4 ᓄᓇᐅᑉ ᐃᑎᓂᖓ ᑖᑦᓱᒪ ᐊᒡᒐᖏᓐᓃᑉᐳᖅ; ᖃᖅᑬᓪᓗ ᐳᕐᑐᓂᖏᑦ ᑖᑦᓱᒪ ᐱᖁᑎᒋᕔᑦ.
ᒎᑎᐅᑉ ᑎᒍᓗᓂᑎᑦ, ᐃᖅᑲᕐᑐᒐᒃᓴᓕᐊᕆᒃᐸᑎᑦ, ᑭᓇᒧᓪᓕ ᐊᒡᕕᐊᕐᑕᐅᔪᓐᓇᕋᔭᕐᐹ?
ᖃᐅᔨᔭᒃᓴᕈᓚᐅᕋᓂ ᖃᖅᑲᓂᒃ ᓄᑦᓯᓲᖑᕗᖅ, ᓂᓐᖓᐅᑎᑐᐊᕈᓂᒋᑦ ᑕᕝᕙ ᓄᖑᑎᑉᐰᑦ.
ᐊᑕᓂᐅᑉ ᖁᕕᐊᒋᔭᓂ ᐱᓇᓱᐊᕐᐰᑦ, ᕿᓚᖕᒥ ᓄᓇᒥᓗ, ᐃᒪᕐᐱᖕᓂ, ᐃᑎᔪᕐᔪᐊᓂᓗ ᑕᒤᓐᓂ.
ᐆᒻᒪᑎᖓᑕ ᐱᔪᒪᔭᖓᓂᒃ ᑐᓂᓯᕕᒋᒐᕕᐅᒃ, ᖃᓂᖓᑕᓗ ᕿᓄᐊᕆᔭᖓᓂᒃ ᕿᐱᓗᒡᕕᒋᖏᓐᓇᕕᐅᒃ. ᓰᓚ
ᖃᖅᑬᑦ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᓄᑦ, ᐊᔪᒐᖃᖏᓐᓂᕐᒥᒡᓗ ᐊᓐᓄᕌᕐᓯᒪᕗᑎᑦ.
ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.
ᖃᖅᑬᑦ ᐊᐅᒃᐳᑦ ᓂᓚᒃᑎᑐᑦ ᐊᑕᓂᐅᑉ ᓇᔫᑎᓂᖓᓄᑦ, ᐊᑕᓂᐅᑉ ᓇᔫᑎᓂᖓᓂ ᓄᓇᕐᔪᐊᓕᒫᖅ ᑍᒤᑉᐳᖅ.
ᖃᖅᑬᑦ ᐊᐅᒍᒫᕐᐳᑦ, ᐳᓐᓂᕐᑎᑐᑦ ᐃᑯᒪᒧᑦ ᐊᐅᒃᑐᑎᑐᑦ ᓇᕐᓮᓪᓗ ᐊᕕᒡᓗᑎᒃ, ᑰᒍᒫᕐᐳᖅ ᐃᒪᕐᑎᑐᑦ ᓯᕕᖓᔪᒃᑯᑦ ᑰᒃᑐᑎᑐᑦ.
ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ, ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ; ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ; ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.
ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.
ᓄᖅᑲᕐᒪᑦ, ᓄᓇᕐᔪᐊᖅ ᐊᐅᓚᓕᕐᐳᖅ; ᑕᑯᓴᕐᒪᑦ ᐃᓅᖃᑎᒌᒡᔪᐊᑦ ᓴᔪᓕᕐᐳᑦ. ᖃᖅᑬᑦ ᐃᓱᖃᖏᑦᑐᒥᑦ ᓯᐊᒻᒪᓕᕐᐳᑦ; ᐱᖑᐊᕐᔪᐃᓪᓗ ᓄᖑᓱᐃᑦᑐᑦ ᑭᕕᓕᕐᐳᑦ, ᑍᑦᓱᒪᓂᐊᓗᒃ ᑖᑦᓱᒪ ᐱᓱᒡᕕᒋᕙᓚᐅᕐᑕᖏᑦ.
