11 ᑍᒤᒻᒪᑦ ᓂᓐᖓᒡᓗᖓ ᐊᖏᒻᒪᕆᓚᐅᕐᐳᖓ, “ᑕᕾᕐᓯᕐᕕᐅᖁᔭᓐᓄᑦ ᐃᑎᓛᕈᓐᓃᕐᐳᑦ.”
ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’
ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.
ᐃᒫᓪᓚᕆᒃ ᑕᑯᓂᐊᓐᖏᓚᑦ ᓄᓇᒥᒃ ᐊᑖᑕᖏᓐᓄᑦ ᐊᖏᕈᑎᒋᓯᒪᔭᓐᓂᒃ, ᐅᕙᓐᓂᒡᓗ ᓇᕐᕈᔪᓕᒫᑦ ᑍᑦᓱᒥᖓ ᑕᑯᓂᐊᓐᖏᓚᑦ.
ᓄᓇᒧᑦ ᐊᑕᓂᐅᑉ ᒎᑎᑦᓯ ᑐᓂᔪᒪᓯᒪᔭᖓᓄᑦ ᓱᓕ ᑎᑭᐅᑎᓚᐅᖏᓐᓇᑦᓯ, ᑕᕝᕙᓂ ᓄᓇᖃᓕᕈᑦᓯ ᐃᓱᒫᓗᖏᓪᓗᓯ ᐃᓅᔪᓐᓇᓛᕋᑦᓯ.
ᑍᒤᒻᒪᑦ ᓂᓐᖓᒡᓗᖓ ᐅᖃᕕᓚᐅᕐᐳᖓ, ‘ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᑦ.’”
ᑭᓇᒃᑯᓐᓄᓪᓗ ᐅᖃᕕᓚᐅᕐᐸ ᑕᕾᕐᓯᕐᕕᐅᖁᔭᒥᓄᑦ ᐃᑎᕐᑐᖃᑦᔮᖏᓐᓂᕅᓪᓗᓂ, ᑖᒃᑯᓄᖓᐅᓐᖏᓛᖅ ᓈᓚᓚᐅᖏᑦᑐᓄᑦ?
ᐅᕙᒍᓪᓕ ᐅᒃᐱᓚᐅᕐᑐᒍᑦ ᑕᕾᕐᓯᕐᕕᒃᓴᒧᑦ ᑕᕝᕗᖓ ᐃᑎᕐᓯᒪᕗᒍᑦ, ᐅᖃᕐᓯᒪᖕᒪᑦ, “ᓂᓐᖓᒡᓗᖓ ᐅᖃᕕᓚᐅᕐᐳᖓ, ‘ᑖᒃᑯᐊ ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᑦ,’” ᑍᒫᒃ ᐅᖃᓚᐅᕐᐳᖅ ᐱᓇᓱᐊᕐᓂᖓ ᐱᔭᕇᕐᓯᒪᒐᓗᐊᕐᑎᓪᓗᒍ ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ.
ᑕᕝᕙᓂᑦᑕᐅᖅ ᐅᖃᓯᒪᒋᕗᖅ, “ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᖅ.”
ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”