ᐃᓐᖏᕈᑎᑦ 95:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!

ᐃᓐᖏᕈᑎᑦ 95:1 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:47

ᐊᑕᓂᖅ ᐃᓅᕗᖅ; ᓂᕐᑐᕐᑕᐅᓕ ᓴᐳᑦᔨᔨᒐ! ᐊᖏᔪᕈᕐᑎᑕᐅᓕ ᒎᑎᒐ, ᐱᐅᓕᔭᐅᓂᕐᒪ ᕾᕐᑐᖓ!

ᑯᕉᓂᑲ ᓯᕗᓪᓖᑦ 16:9

ᑖᓐᓇ ᐃᓐᖏᕐᕕᒋᓯᐅᒃ, ᓂᕐᑐᕐᓗᒍ ᐃᓐᖏᕐᕕᒋᓯᐅᒃ; ᑖᑦᓱᒪ ᑲᒪᓇᕐᑐᓕᓂᓕᒫᖏᑦ ᐅᖃᐅᓯᕆᓯᒋᒃ!

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᐃᓐᖏᕈᑎᑦ 100:1

ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ, ᓄᓇᕐᔪᐊᕐᒥᐅᓕᒫᖑᔪᓯ!

ᐃᓐᖏᕈᑎᑦ 101:1

ᐃᓐᖏᕈᑎᖃᕈᒪᕗᖓ ᑲᔪᓯᑦᓯᐊᕈᒪᓂᕐᒥᒃ ᓈᒻᒪᓈᑦᓯᐊᕈᒪᓂᕐᒥᒡᓗ; ᐃᓕᖕᓄᑦ ᐊᑕᓃᖅ ᐃᓐᖏᕐᓗᖓ ᓂᕐᑐᕈᒪᕙᒋᑦ.

ᐃᓐᖏᕈᑎᑦ 107:15

ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 107:21

ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 107:8

ᑖᒃᑯᐊ ᐊᑕᓂᖅ ᖁᔭᒋᓕᑦᔪᒃ ᓇᒡᓕᒍᓱᑦᓮᓐᓇᕐᓂᖓ ᐱᓪᓗᒍ, ᐱᓂᐊᕐᓂᖏᓪᓗ ᑲᒪᓇᕐᑐᑦ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒋᑦ!

ᐃᓐᖏᕈᑎᑦ 117:1

ᐊᑕᓂᖅ ᓂᕐᑐᕐᓯᐅᒃ, ᑕᒪᑦᓯ ᔫᑎᐅᖏᑦᑐᓯ! ᐃᓅᖃᑎᒌᒡᔪᐊᖑᔪᓯ ᑕᒪᑦᓯ ᓂᕐᑐᕐᓯᐅᒃ!

ᐃᓐᖏᕈᑎᑦ 118:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᓱᖁᓯᔪᐃᑦᑑᓪᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 150:6

ᐊᓂᕐᓂᖃᕐᑐᓕᒫᑦ ᐊᑕᓂᖅ ᓂᕐᑐᕐᓕᑦᔪᒃ! ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 18:47

ᒎᑎᐅᑉ ᐊᑭᓂᐊᕈᑎᕚᖓ, ᐃᓄᐃᓪᓗ ᒪᓂᑎᑉᐰᑦ ᐃᑎᒐᒪ ᐊᑖᓄᑦ;

ᐃᓐᖏᕈᑎᑦ 34:3

ᐃᓚᒋᓗᖓ ᐊᑕᓂᖅ ᐊᖏᔪᕈᕐᑎᓯᐅᒃ, ᐊᑎᖓ ᐊᑕᐅᑦᓯᒃᑯᑦ ᐊᖏᔪᕈᕐᑎᓪᓚᕗᑦ.

ᐃᓐᖏᕈᑎᑦ 66:8

ᒎᑎᕗᑦ ᓂᕐᑐᕐᓚᕗᑦ, ᐃᓅᖃᑎᒌᒡᔪᐊᖑᔪᓯ! ᑖᑦᓱᒪ ᓂᕐᑐᕐᑕᐅᓂᖓᑕ ᓂᐱᖏᑦ ᑐᓴᕐᑕᐅᓕᑦ,

ᐃᓐᖏᕈᑎᑦ 81:1

ᓂᐱᖅᑯᕐᑐᓗᓯ ᒎᑎ ᐃᓐᖏᕐᕕᒋᓯᐅᒃ ᐱᔪᓐᓇᕐᑎᑦᓯᔨᒋᔭᕗᑦ; ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᓂᕐᑐᕐᓗᒍ ᔧᑰᑉ ᒎᑎᖓ!

ᐃᓐᖏᕈᑎᑦ 89:26

ᑖᑦᓱᒪ ᓂᓪᓕᐊᕕᒋᔪᒫᕐᐹᖓ, ‘ᐊᑖᑕᒋᕙᒋᑦ, ᒎᑎᒋᕙᒋᑦ, ᐱᐅᓕᔭᐅᓂᕐᒪᓗ ᕾᕐᑐᕆᕚᑎᑦ.’

ᒨᓯᓯ ᐂᑉᐸᖏᑦ 15:1

ᑕᕝᕙ ᒨᓯᓯ ᐃᓴᕆᐊᓕᒥᐅᓪᓗ ᐆᒥᖓ ᐃᓐᖏᕈᑎᖃᓚᐅᕐᐳᑦ ᐊᑕᓂᕐᒧᑦ, ᐅᖃᕐᓗᑎᒃ, “ᐊᑕᓂᕐᒧᑦ ᐃᓐᖏᕐᓂᐊᕐᐳᖓ, ᓂᕐᑐᕐᓇᕐᑐᕐᔪᐊᒥᒃ ᐱᓂᐊᕐᓂᖃᓚᐅᕐᒪᑦ; ᕿᒻᒥᕐᔪᐊᑦ ᕿᒻᒥᕐᔪᐊᒥᓗ ᐃᑭᒪᔪᑦ ᐃᒪᕕᖕᒧᑦ ᐃᒋᓚᐅᕐᒪᒋᑦ.

ᒨᓯᓯ ᐂᑉᐸᖏᑦ 15:21

ᒥᕆᐊᒻᓗ ᐃᓐᖏᕐᓯᕗᖅ ᑖᒃᑯᓄᖓ: “ᐊᑕᓂᖅ ᐃᓐᖏᕐᕕᒋᓯᐅᒃ, ᐊᖏᔪᕐᔪᐊᒥᒃ ᓵᓚᖃᕐᑎᑦᓯᖕᒪᑦ; ᕿᒻᒥᕐᔪᐊᑦ ᐃᑭᒪᔨᐅᓕᒫᖏᓪᓗ ᐃᒫᓄᑦ ᐅᕐᕈᑎᓚᐅᕐᒪᒋᑦ.”

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 21:9

ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:4

ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:6

ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.