22 ᐊᑕᓂᕐᓕ ᓴᐴᓗᑕᕆᕙᕋ, ᒎᑎᒐᓗ ᕿᒫᕕᒃᓴᕆᓪᓗᒍ ᕾᕐᑐᕆᕙᕋ.
ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.
ᓴᓐᖏᔫᑦᔪᑎᒋᒐᒃᑭᑦ, ᓂᕐᑐᕐᓗᑎᑦ ᐃᓐᖏᕐᕕᒋᓂᐊᕐᐸᒋᑦ; ᐃᕝᕕᑦ ᒎᑏ, ᕿᒫᕕᒋᓗᑎᑦ ᓴᐳᑦᔨᔨᒋᒐᒃᑭᑦ.
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ; ᑕᕝᕙᓐᖓᑦ ᐊᐅᓚᑎᑕᐅᓂᐊᓐᖏᓚᖓ.
ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ
ᐊᑕᓂᖅ ᕿᒫᕕᒃᓴᐅᓂᐊᕆᕗᖅ ᐅᖁᒤᒃᓴᕐᑎᑕᐅᔪᓄᑦ; ᕿᒫᕕᒃᓴᐅᕗᖅ ᐅᖁᒤᑦᑐᖃᕐᑎᓪᓗᒍ.
ᐃᓅᖃᑎᒌᒡᔪᐊᓂᒃ ᓱᒋᐊᕐᓯᓚᐅᕐᑐᖅ, ᐋᖅᑭᒋᐊᕐᓯᔪᓐᓇᓐᖏᓛᖅ? ᐃᓄᖕᓂᒃ ᖃᐅᔨᒪᓂᕐᒥᒃ ᐊᔪᕆᕐᑐᐃᓯᒪᔪᖅ ᖃᐅᔨᒪᓐᖏᓛᖅ?
ᑍᒤᑦᑐᖅ ᐃᓂᖃᕐᓂᐊᕐᐳᖅ ᖁᕝᕙᓯᒃᑐᒥ; ᕿᒫᕕᒃᓴᖃᕐᓂᐊᕐᐳᖅ ᐅᔭᖅᑲᓂᒃ ᐊᕙᓗᓕᐅᕐᓯᒪᔪᓂ; ᓂᕿᒃᓴᖃᕐᑎᑕᐅᓂᐊᕐᐳᖅ, ᐃᒥᒃᓴᖃᕐᑎᑕᐅᓗᓂᓗ ᑲᔪᓯᑦᓯᐊᕐᑐᒥᒃ.
