ᐃᓐᖏᕈᑎᑦ 91:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐃᓐᖏᕈᑎᑦ 91:15 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 12:4

ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.

ᔫᐱᐅᑉ ᐊᒡᓚᖏᑦ 5:19

ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

ᐃᓐᖏᕈᑎᑦ 10:17

ᐊᑕᓃᖅ, ᐱᐅᔪᕆᖏᑦᑐᑦ ᐱᔪᒪᔭᖏᑦ ᑐᓴᓚᐅᕐᐸᑎᑦ; ᐆᒻᒪᑎᖏᓪᓗ ᑲᔪᖏᕐᓴᕐᐸᑎᑦ, ᓂᓪᓕᐊᓂᖏᓪᓗ ᓈᓚᒍᒪᕙᑎᑦ.

ᐃᓐᖏᕈᑎᑦ 138:7

ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᐃᓐᖏᕈᑎᑦ 18:15

ᐃᒪᕐᔪᐊᓪᓗ ᐃᖏᕐᕋᓂᖏᑕ ᐊᖅᑯᑎᖏᑦ ᑕᑯᒃᓴᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑎᓚᐅᕐᐰᑦ, ᐊᑕᓃᖅ ᓱᐊᖕᓂᕐᓄᑦ, ᓱᕐᓗᒃᐱᓪᓗ ᐊᓂᕐᓂᖓᑕ ᓱᐱᓂᖏᖕᓄᑦ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 37:40

ᐊᑕᓂᐅᑉ ᐃᑲᔪᕐᐰ ᓴᐳᑎᓪᓗᒋᓪᓗ; ᐱᐅᖏᑦᑐᓕᔪᓂᑦ ᓴᐳᑎᓂᐊᕐᐰᑦ, ᐱᐅᓕᓗᒋᓪᓗ, ᑖᑦᓱᒥᖓ ᑕᑎᖃᕐᒪᑕ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 65:24

ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᔪᐊᓇᓯᐅᑉ ᐊᒡᓚᖏᑦ 12:26

ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

ᔪᐊᓇᓯᐅᑉ ᐊᒡᓚᖏᑦ 12:43

ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᕐᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᒥᑦ.

ᔪᐊᓇᓯᐅᑉ ᐊᒡᓚᖏᑦ 16:32

ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.