ᐃᓐᖏᕈᑎᑦ 91:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑖᑦᓱᒪ ᐂᖏᓕᖁᑎᓂ ᐃᓕᖕᓂᒃ ᑲᒪᑎᓐᓂᐊᕐᒪᒋᑦ, ᓴᐳᑦᔨᔨᐅᖁᓪᓗᒋᑦ ᐊᖅᑯᑎᒋᓂᐊᕐᑕᕐᓂ ᑕᒤᓐᓂ.

ᐃᓐᖏᕈᑎᑦ 91:11 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 71:3

ᕿᒫᕕᒃᓴᕆᓚᒋᑦ ᓲᖑᔪᖅ, ᑍᒫᓐᖓᑦ ᐅᑎᕐᑕᕐᕕᒃᓴᕋ; ᐱᖁᔨᓗᑎᑦ ᐱᐅᓕᓚᐅᓐᖓ, ᕾᕐᑐᕆᒐᒃᑭᑦ ᓴᐳᑦᔭᐅᕕᒃᓴᕆᓪᓗᑎᓪᓗ.

ᒨᓯᓯ ᐂᑉᐸᖏᑦ 23:20

“ᑕᑯᒋᑦ, ᐂᖏᓕᒥᒃ ᑎᓕᓯᕗᖓ ᓯᕗᓂᕐᓄᑦ, ᑖᑦᓱᒧᖓ ᓴᐳᑎᔭᐅᓯᒪᖁᓪᓗᑎᑦ ᐊᖅᑯᑎᖕᓂ ᓄᓇᒧᓪᓗ ᐃᓕᖕᓄᑦ ᐅᐸᓗᖎᕐᓯᒪᔭᓐᓄᑦ ᑎᑭᑦᓱᓐᓇᖁᓪᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6

ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᒫᑎᐅᓯᐅᑉ ᐊᒡᓚᖏᑦ 4:6

ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᑕᐅᓄᖓ ᐃᓕᖕᓂᒃ ᑲᑕᒃᑎᓚᐅᕆᑦ, ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐂᖏᓖᖁᑎᓂ ᑎᓕᓂᐊᕐᐰᑦ ᐱᓪᓗᑎᑦ; ᐊᒡᒐᖕᒥᖕᓄᑦ ᑎᒍᒥᐊᕐᓂᐊᕐᐹᑎᑦ, ᐃᑎᒐᑎᑦ ᐋᓐᓂᖁᓇᒋᑦ ᐅᔭᖅᑲᓄᑦ.’”

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.