17 ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ, ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ; ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.
ᑕᒪᓐᓇ ᑐᑭᑖᕈᑎᒋᒍᕕᐅᒃ, ᑕᕝᕙ ᐱᕙᓪᓕᐊᓕᕐᓂᐊᕐᐳᑎᑦ, ᐊᖅᑯᑎᒃᓴᑎᓪᓗ ᓯᕗᓂᕐᓂ ᖃᐅᒻᒪᒃᑎᑕᐅᓯᒪᓕᕐᓂᐊᕐᐳᑦ.
ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.
ᐱᐅᓕᓚᐅᕐᑎᒍᑦ, ᕿᓄᕕᒋᕙᑦᑎᒋᑦ ᐊᑕᓃᖅ! ᐊᑕᓃᖅ, ᕿᓄᕕᒋᕙᑦᑎᒋᑦ, ᒫᓐᓇ ᐊᔪᕐᓴᕈᓐᓃᕐᑎᓕᕐᑎᒍᑦ!
ᐊᑕᐅᓯᖅ ᕿᓄᐊᕆᕙᕋ ᐊᑕᓂᕐᒥᑦ, ᕿᓂᕐᓗᒍᓗ ᓇᓂᔪᒪᓪᓗᒍ; ᐊᑕᓂᐅᑉ ᐃᒡᓗᖓᓂ ᐃᓂᖃᕈᒪᓪᓗᖓ, ᐃᓅᓯᕐᒪ ᐅᓪᓗᖃᕐᓂᖓᓂ.
ᓮᐅᓂᒥᑦ, ᐃᓂᖁᓇᕐᓂᒥᒃ ᓈᒻᒪᒃᓯᓯᒪᑦᓯᐊᕐᑐᒥᒃ, ᒎᑎ ᖃᐅᒪᓂᐊᕐᐳᖅ.
ᒎᑏ, ᓴᓐᖏᓃᑦ ᓇᓗᓁᓚᐅᕈᒃ; ᓴᓐᖏᓃᑦ ᓴᖅᑭᑎᓚᐅᕈᖅ ᒎᑏ, ᐅᕙᑦᑎᓐᓄᑦ ᐱᓂᐊᕐᓂᕆᓯᒪᔧᑦ.
ᒎᑏ, ᐋᖅᑭᓚᐅᕐᑎᒍᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!
ᐋᖅᑭᓚᐅᕐᒥᑎᒍᑦ, ᒎᑏ ᖁᑦᓯᒃᑐᒦᑦᑐᑎᑦ; ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!
ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᕝᕙ ᐃᓱᒪᕕᑦ ᐱᓇᓱᐊᕈᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ.
ᐊᑕᓃᖅ, ᓮᓕᓂᕐᒥᒃ ᐅᕙᑦᑎᓐᓂ ᐱᒋᐊᕐᑎᑦᓯᓚᐅᕐᒥᒋᑦ, ᐱᓂᐊᕐᓂᕗᑦ ᑕᒪᕐᒥᒃ ᐊᔪᕐᓇᕈᓐᓃᕐᑎᓯᒪᒐᕕᒋᑦ.
ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᖅ ᐃᒥᕐᒥᒡᓗ ᖁᕕᓯᔪᖅ ᓱᓇᐅᓐᖏᓚᒃ, ᒎᑎᓕ ᐱᕈᕐᑎᑦᓯᔪᑑᕗᖅ.
ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.
ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,
ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.