45 ᐃᓅᓱᖕᓂᖓᑕ ᐅᓪᓗᖏᑦ ᓁᒡᓕᑎᑉᐸᑎᑦ; ᐅᓕᒡᓗᒍᓗ ᑲᓐᖑᓱᒃᑎᑕᐅᓂᕐᒥᒃ. ᓰᓚ
ᑍᒪᓐᖓᓂᑦ ᑕᕝᕙ ᐃᓴᕆᐊᓕᒥᐅᑦ ᐊᑭᕋᕐᑐᓕᕐᐳᑦ ᑍᕕᑎᐅᑉ ᑭᖑᕚᖏᓐᓄᑦ ᐅᓪᓗᒥᒧᑦ ᑎᑭᓪᓗᒍ.
ᑖᓐᓇ ᓲᖑᓂᓐᓂᒃ ᓯᖁᒥᑦᓯᓚᐅᕐᐳᖅ ᐃᓅᓱᒃᑑᑎᓪᓗᖓ ᓱᓕ; ᑖᑦᓱᒪ ᐅᓪᓗᒃᑲ ᓁᒡᓕᑎᓚᐅᕐᐰᑦ.
ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.
ᓇᕐᕈᓇᕐᓂᕋ ᑍᒪᓐᖓᑦ ᓵᓐᓃᑉᐳᖅ, ᑮᓇᕐᒪᓗ ᑲᓐᖑᓇᕐᓂᖓᑕ ᐅᓕᒃᓯᒪᕚᖓ.
ᓇᓗᓕᕐᑎᓚᐅᒃᑭᑦ, ᓄᖑᓪᓗᒋᓪᓗ ᐃᓅᓯᓐᓂᒃ ᐊᑭᕋᕐᑐᕐᑎᐅᔪᑦ; ᐅᓕᒃᓯᒪᓚᐅᒃᑭᑦ ᑲᓐᖑᓱᖕᓂᕐᒥᒃ ᐅᐱᒋᔭᐅᖏᓐᓂᕐᒥᒡᓗ.
ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.
ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.
ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.
