40 ᐊᕙᓗᕐᔪᐊᓕᒫᖏᑦ ᓯᖁᒥᑉᐸᑎᑦ; ᐃᒡᓗᕐᔪᐊᖏᓪᓗ ᕿᒫᕕᖏᑦ ᓯᖁᑦᑎᕐᐸᑎᑦ.
ᓱᖕᒪᓪᓕ ᐊᕙᓗᕐᔪᐊᖏᑦ ᓯᖁᑦᑎᓚᐅᕐᐱᒌᑦ, ᓴᓂᖅᑯᑦᑐᓄᑦ ᑕᒤᓐᓄᑦ ᐱᕈᕐᑐᖏᑦ ᓄᓱᒃᑕᐅᔪᓐᓇᖁᓪᓗᒌᑦ?
ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.
ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.
ᑍᒪᓐᖓᑦ ᓴᐳᒻᒥᔧᓐᓇᕋᕕᐅᒃ ᐃᓚᒋᔭᓕᒫᖏᓪᓗ ᐱᖁᑎᓕᒫᖏᓪᓗ ᑲᒪᒋᑦᓯᐊᕐᓗᒋᑦ, ᖃᓄᐃᓕᐅᕐᓂᓕᒫᖓᒍᓪᓗ ᓮᒻᒪᕐᑎᖃᑦᑕᕐᓯᒪᒐᕕᐅᒃ, ᐃᒻᒧᒃᓯᐅᒐᓂᒡᓗ ᐅᓄᕐᑐᐊᓗᖕᓂᒃ ᑐᓂᓯᒪᒐᕕᐅᒃ ᓄᓇᓕᓕᒫᒥᒃ ᓈᓯᓯᒪᓪᓗᐊᕐᑐᓂᒃ.
ᑍᑦᓱᒪᓂᐅᑎᓪᓗᒍ ᐃᓱᒫᓗᓇᖏᑦᑐᒥ ᐱᔪᖃᕈᓐᓇᓚᐅᓐᖏᓚᖅ ᐊᓂᔪᓄᑦ ᐃᑎᕐᑐᓄᓪᓘᓐᓃᑦ, ᐊᑲᐅᖏᑦᔪᑎᒃᓴᕐᑕᖃᓚᐅᕐᒪᑦ ᐊᖏᔪᒥᒃ ᓄᓇᖃᕐᑐᓕᒫᓄᑦ.
ᐅᐱᒋᔭᐅᑦᔪᑎᒃᓴᓕᒫᒃᑲ ᑖᑦᓱᒪ ᐲᔭᓚᐅᕐᐰᑦ, ᓂᐊᖂᑎᒐᓗ ᐲᓚᐅᕐᐹ ᓂᐊᖁᓐᓂᑦ.
ᓂᓐᖓᐅᒪᓂᕋ ᐃᒃᐱᒋᔪᒫᕐᐸᓯ; ᐃᑯᒪᑐᑦ ᐃᑯᐊᓪᓚᒃᑎᓐᓂᐊᕐᐸᕋ ᐃᓕᑦᓯᓐᓄᑦ; ᐊᑦᑕᕆᔭᖃᖏᑦᑐᓄᑦ ᑐᓂᔪᒫᕐᐸᑦᓯ, ᑐᖁᕅᓂᕐᒥᒃ ᖃᐅᔨᒪᑦᓯᐊᕐᑐᓄᑦ.
