30 ᕿᑐᕐᖓᖏᑕ ᐱᖁᔭᒃᑲ ᕿᒪᒃᐸᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᖏᑉᐸᑕ.
ᑖᑦᓱᒪ ᐊᑖᑕᒋᔪᒫᕐᐹᖓ, ᑖᓐᓇᓗ ᐃᕐᓂᕆᔪᒫᕐᐸᕋ. ᑖᓐᓇᓗ ᐊᔪᕐᑐᓕᒃᐸᑦ, ᓱᒋᐊᕈᒫᕐᐸᕋ ᐊᑖᑕᐅᔪᑐᑦ, ᐊᑖᑕᐅᑉ ᓱᒋᐊᕐᓯᕙᖕᓂᖓᑐᑦ ᐃᕐᓂᕐᒥᓂᒃ.
“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.
ᐱᐅᖏᑦᑐᑦ ᐊᖏᔪᒥᒃ ᐃᓗᐃᓪᓕᕈᑎᒋᕙᒃᑲ, ᐱᖁᔭᕐᓂᒃ ᕿᒤᓯᒪᓂᖏᑦ ᐱᓪᓗᒋᑦ.
ᕿᑐᕐᖓᕕᑦ ᐊᖏᖃᑎᒌᒍᑎᒋᓯᒪᔭᕋ ᓈᓚᖕᓂᐊᕐᐸᑦᔪᒃ ᐅᓐᓂᕐᓯᐅᕈᑎᒋᓯᒪᔭᒃᑲᓗ ᑖᒃᑯᓄᖓ ᐊᔪᕆᕐᑐᐃᑦᔪᑎᒋᓛᕐᑕᒃᑲ, ᕿᑐᕐᖓᖏᑦᑕᐅᖅ ᐃᒃᓯᕙᐅᑕᕐᔪᐊᕐᓂ ᐃᒃᓯᕙᔪᒫᕐᐳᑦ ᐃᓱᖃᖏᑦᑐᒧᑦ.”
ᐊᑕᓃᖅ, ᕿᓔᑦ ᓂᕐᑐᐃᓚᐅᕐᓕᑦ ᑲᒪᓇᕐᑐᓕᓂᑎᑦ ᐱᓪᓗᒋᑦ, ᓱᖁᓯᔪᐃᑦᑑᓃᓪᓗ ᐃᑦᔪᕐᓁᑦᑐᖁᑎᕕᑦ ᑲᑎᓐᖓᓂᖓᓃᑉᐳᖅ.
ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.
ᐱᐅᔪᓂᒃ ᐊᑐᒐᒃᓴᓂᒃ ᐊᔪᕆᕐᑐᕋᒃᑭᑦ, ᑍᒤᒻᒪᑦ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ.
ᐃᒫᒃ ᐊᑕᓂᖅ ᐅᖃᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒥᒃ ᐊᖓᔪᖅᑳᕐᔪᐊᒃᓴᕐᑕᕾᓐᓇᕈᒫᕐᐳᖅ ᐃᓴᕆᐊᓕᒥᐅᓂ.
ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.
ᐊᖑᑦ ᑍᒤᑦᑐᖅ ᐱᖁᔭᓐᓂᒃ ᓈᓚᑦᓯᐊᕐᑐᖅ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ, ᑖᓐᓇ ᐃᓱᐊᕐᑐᓕᒐᒥ ᐃᓅᔪᒫᕐᐳᖅ, ᐊᑕᓂᖅ ᒎᑎ ᐅᖃᕐᐳᖅ.
ᐅᕙᖓ ᐊᑕᓂᖅ ᒎᑎᒋᒐᑦᓯᓐᖓ; ᐱᓂᐊᕐᑕᐅᖁᔭᒃᑲ ᒪᓕᓕᕐᓯᐅᒃ, ᐊᑐᕐᑕᐅᖁᔭᒃᑲᓗ ᐊᑐᕐᓗᒋᑦ,
ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.
ᑕᕝᕙ ᕿᑐᕐᖓᓯᓗ ᐊᑯᓂ ᐃᓅᓂᐊᕐᐳᓯ ᑕᒫᓂ ᓄᓇᒥ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓯᒪᔭᖓᓂ ᑐᓂᔪᒪᓪᓗᓂᐅᒃ ᓯᕗᓕᕕᓂᑦᓯᓐᓄᑦ. ᑕᕝᕙᓂᓗ ᐃᓅᓂᐊᕐᐳᓯ ᓄᓇᐅᑉ ᖁᓛᒍᑦ ᕿᓚᖃᕐᓂᓕᒫᖓᓂ.
