ᐃᓐᖏᕈᑎᑦ 89:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᓐᓄᐊᓪᓗᐊᖅ ᐅᓪᓗᓪᓗᐊᕐᓗ, ᐱᓐᖑᕐᑎᓯᒪᕚᒃᑭᒃ; ᖃᖅᑳᒃ ᑍᐸᕆ ᕼᐊᕐᒪᓂᓗ ᖁᕕᐊᓱᒡᓗᑎᒃ ᐊᑎᕐᓂᖅ ᓂᕐᑐᐃᕘᒃ.

ᐃᓐᖏᕈᑎᑦ 89:12 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 26:7

ᑖᑦᓱᒪ ᐅᓐᓄᐊᓪᓗᐊᖅ ᐃᓯᕕᑉᐹ ᓱᓇᖃᖏᑦᑐᒥ, ᓄᓇᕐᔪᐊᕐᓗ ᓂᕕᓐᖓᕐᑎᑉᐹ ᐱᑕᖃᖏᑦᑐᒧᑦ.

ᔮᓱᐊᑉ ᐊᒡᓚᖏᑦ 19:22

ᓄᓇᐅᑉ ᑭᒡᓕᖓ ᐊᒃᑐᐊᕗᖅ ᑍᐸᕆᒧᑦ, ᓴᕼᐊᔪᒪᒧᑦ, ᐱᑦ-ᓯᒥᔅᒧᓪᓗ, ᔪᐊᕐᑕᓂᐅᑉ ᑰᖓᓄᑦ ᐃᓱᖃᕐᓗᓂ, ᐃᒡᓗᒐᓮᑦ 16ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

ᔮᓱᐊᑉ ᐊᒡᓚᖏᑦ 12:1

ᐅᑯᐊ ᑕᕝᕙ ᑕᒫᓂ ᓄᓇᓕᖕᓂ ᐊᖓᔪᖅᑳᕐᔪᐊᕆᔭᐅᓚᐅᕐᑐᑦ, ᐃᓴᕆᐊᓕᒥᐅᓄᑦ ᓵᓚᐅᓚᐅᕐᑐᑦ, ᓄᓇᖓᓐᓂᒡᓗ ᓄᓇᖃᓕᕐᓗᑎᒃ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᖓᓃᑐᒥᒃ, ᐱᒋᐊᕐᓗᓂ ᐋᕐᓄᓂᐅᑉ ᓇᕐᓴᖓᓂᑦ ᑲᖏᒧᑦ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 98:8

ᑰᑦ ᐃᖏᕐᕋᓂᖏᑦ ᐸᑦᑕᒃᑐᕐᓕᑦ; ᖃᖅᑬᑦ ᐊᑕᐅᑦᓯᒃᑯᑦ ᐃᓐᖏᕐᓕᑦ ᖁᕕᐊᓱᒡᓗᑎᒃ ᐊᑕᓂᐅᑉ ᓵᖓᓂ,

ᐃᓗᐊᕐᓮᔩᑦ ᐊᒡᓚᖏᑦ 4:12

ᓯᓰᕋ ᐅᖃᐅᑎᔭᐅᒐᒥ ᐸᕌᒃ ᐊᐱᓄᐊᒻ ᐃᕐᓂᖓ ᖃᖅᑲᒧᑦ ᑍᐸᕆᒧᐊᕐᓂᕋᕐᑕᐅᖕᒪᑦ.

ᐃᓗᐊᕐᓮᔩᑦ ᐊᒡᓚᖏᑦ 4:6

ᑖᓐᓇ ᑎᓕᓯᕗᖅ ᕾᖁᔭᐅᖁᓪᓗᒍ ᐸᕌᒃ ᐊᐱᓄᐊᒥᐅᑉ ᐃᕐᓂᖓ ᑭᑎᓯᒥᐅᑕᖅ ᓈᑉᑕᓕᒥᑦ, ᐅᖃᐅᑎᔭᐅᖁᓪᓗᒍ, “ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᖁᖕᒪᑎᑦ, ‘ᐅᓇᑕᕐᑐᒃᓴᖁᑎᖕᓂᒃ ᖃᖅᑲᒥ ᑍᐸᕆᒥ ᑲᑎᑎᑦᓯᖁᓪᓗᑎᑦ, ᐅᓇᑕᕐᑐᒃᓴᓂᒃ 10,000ᓂᒃ ᓇᒃᓴᕐᓗᑎᑦ ᓇᑉᑖᓕᐅᑉ ᑭᖑᕚᖏᓐᓂᑦ ᓯᐳᓗᓂᐅᓪᓗ ᑭᖑᕚᖏᓐᓂᑦ;

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐃᓐᖏᕈᑎᑦ 24:1

ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓄᓇᕐᔪᐊᕐᒦᑦᑐᓕᒫᓪᓗ, ᓯᓚᕐᔪᐊᕐᓗ, ᑕᕝᕙᓂᓗ ᐃᓂᖃᕐᑐᑦ.

ᐃᓐᖏᕈᑎᑦ 24:2

ᐃᒪᕐᔪᐃᑦ ᖄᖓᓂ ᑐᓐᖓᕕᒃᑖᕐᑎᓚᐅᕐᒪᒍ ᐃᓂᑖᕐᑎᓚᐅᕐᐹᓗ ᐃᖏᕐᕋᓂᕐᔪᐃᑦ ᖄᖏᓐᓄᑦ.

ᐃᓐᖏᕈᑎᑦ 115:16

ᕿᓔᑦ, ᐊᑕᓂᐅᑉ ᐱᒋᕔᑦ; ᓄᓇᕐᔪᐊᕐᓕ ᐃᓄᖕᓄᑦ ᑐᓂᓚᐅᕐᐹ.