ᐃᓐᖏᕈᑎᑦ 89:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓃᖅ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓐᖏᐅᑎᒋᔪᒪᕙᕋ ᐃᓱᖃᖏᑦᑐᒧᑦ: ᓱᖁᓯᔪᐃᓐᓃᑦ ᐅᖃᐅᓯᕆᔪᒪᕙᕋ ᑭᖑᕚᕇᓕᒫᓄᑦ.

ᐃᓐᖏᕈᑎᑦ 89:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 4:31

ᐊᖑᑎᓕᒫᑦᓯᐊᓂᑦ ᓯᓚᑐᓂᕐᐹᖑᓚᐅᕐᐳᖅ, ᓯᓚᑐᓂᕐᓴᐅᓪᓗᓂ ᐃᑖᓐᒥᑦ ᐃᔭᕅᑎᒥᓪᓗ, ᕼᐃᒪᓐᒥᓪᓗ, ᑲᓪᑯᓪᒥᓪᓗ, ᑖᕐᑕᒥᓪᓗ ᒪᕼᐅᓕᐅᑉ ᐃᕐᓂᖏᓐᓂᑦ; ᖃᐅᔨᒪᔭᐅᑦᓯᐊᕐᓂᖓ ᓯᐊᒻᒪᓚᐅᕐᐳᖅ ᐃᓅᖃᑎᒌᒡᔪᐊᓄᑦ ᐊᕙᑎᓕᒫᖏᓐᓃᑦᑐᓄᑦ.

ᐊᑕᓃᑦ ᓯᕗᓪᓖᑦ 5:11

ᓲᓗᒨᓂ ᑐᓂᓯᖕᒥᑎᓪᓗᒍ ᕼᐂᕋᒻᒧᑦ 20,000ᓂᒃ ᐅᖁᒤᓐᓂᖃᕐᑐᓂᒃ ᐊᖓᔪᖅᑳᕐᔪᐊᖃᕐᕕᐅᑉ ᓂᕿᒃᓴᖏᓐᓂᒃ 20,000ᓂᒃ ᐅᖁᒤᓐᓂᖃᕐᑐᓂᒃ, ᐸᐅᕐᖎᑦ ᐅᕐᓱᖏᓐᓂᒃ ᓯᖃᓪᓕᓪᓗᒋᑦ ᐅᕐᓱᓕᐊᕆᓯᒪᔪᓂᒃ ᑐᓂᓯᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᑯᕉᓂᑲ ᓯᕗᓪᓖᑦ 2:6

ᔨᕋᐅᑉ ᐃᕐᓂᖏᑦ ᔨᒻᕆ, ᐃᑖᓐ, ᕼᐃᒪᓐ, ᑲᓪᑯᓪ, ᑖᕋᓗ, ᐊᑕᖏᕐᓗᑎᒃ ᑕᓪᓕᒪᐅᕗᑦ.

ᐃᓐᖏᕈᑎᑦ 101:1

ᐃᓐᖏᕈᑎᖃᕈᒪᕗᖓ ᑲᔪᓯᑦᓯᐊᕈᒪᓂᕐᒥᒃ ᓈᒻᒪᓈᑦᓯᐊᕈᒪᓂᕐᒥᒡᓗ; ᐃᓕᖕᓄᑦ ᐊᑕᓃᖅ ᐃᓐᖏᕐᓗᖓ ᓂᕐᑐᕈᒪᕙᒋᑦ.

ᐃᓐᖏᕈᑎᑦ 106:1

ᐊᑕᓂᖅ ᓂᕐᑐᕐᓯᐅᒃ! ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 119:90

ᓱᖁᓯᔪᐃᑦᑑᓃᑦ ᑭᖑᕚᕇᓕᒫᓄᑦ ᑐᕌᕐᐳᖅ; ᓄᓇᕐᔪᐊᖅ ᐋᖅᑭᓚᐅᕋᕕᐅᒃ, ᑕᕝᕙᓃᖏᓐᓇᓕᕐᐳᖅ ᓱᖁᓯᓚᐅᕋᓂ.

ᐃᓐᖏᕈᑎᑦ 36:5

ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ; ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.

ᐃᓐᖏᕈᑎᑦ 59:16

ᐊᔪᒐᖃᖏᓐᓃᓪᓕ ᐃᓐᖏᕈᑎᒋᔪᒪᕙᕋ; ᓂᐱᖅᑯᕐᑐᓗᖓ ᐅᓪᓛᒃᑯᑦ ᐃᓐᖏᕈᒪᕗᖓ ᓇᒡᓕᒍᓱᖕᓂᕐᓂᒃ. ᓴᐳᑦᔨᔨᒋᖃᑦᑕᕋᒃᑭᑦ ᕿᒫᕕᒋᓪᓗᑎᓪᓗ ᐅᓪᓗᐃᑦ ᐅᖁᒤᑦᑐᑦ ᑎᑭᓯᒪᑎᓪᓗᒋᑦ.

ᐃᓐᖏᕈᑎᑦ 71:8

ᖃᓂᕋ ᑕᑕᑎᑉᐸᑦ ᐃᓕᖕᓂᒃ ᓂᕐᑐᐃᓂᕐᒥᒃ, ᐱᓐᓇᕐᓇᕐᓂᕐᔪᐊᕐᓄᓪᓗ ᖃᐅᑕᒫᑦ.

ᐃᓐᖏᕈᑎᑦ 88:11

ᓇᒡᓕᖕᓃᑦ ᓱᕐᕋᔪᐃᑦᑐᖅ ᐅᓂᒃᑲᐅᓯᕆᔭᐅᓂᐊᕐᐹ ᐃᓗᕕᕐᓂ? ᐅᕝᕙᓗ ᓱᖁᓯᔪᐃᑦᑑᓃᑦ ᐅᖃᐅᓯᐅᓂᐊᕐᐹ ᐊᓯᕈᕐᑕᐅᕕᖕᒥ?

ᐃᓐᖏᕈᑎᑦ 89:24

ᓱᖁᓯᔪᐃᑦᑑᓂᕐᒪ ᓇᒡᓕᒍᓱᖕᓂᕐᒪᓗ ᐃᓚᒋᓂᐊᕐᐹ; ᑖᑦᓱᒪ ᐱᔪᓐᓇᕐᓂᖓ ᐊᑎᓐᓂ ᐊᖏᔪᕈᕐᑎᑕᐅᓂᐊᕐᐳᖅ.

ᐃᓐᖏᕈᑎᑦ 89:33

ᑭᓯᐊᓂᓕ ᑖᑦᓱᒧᖓ ᓇᒡᓕᖕᓂᕋ ᐲᕐᓂᐊᓐᖏᓚᕋ, ᓱᖁᓯᔪᐃᑦᑑᓂᕋᓗ ᑖᑦᓱᒧᖓ ᓱᓕᔪᓐᓃᕐᑎᓐᓂᐊᓐᖏᓚᕋ.

ᐃᓐᖏᕈᑎᑦ 89:49

ᐊᑕᓃᖅ ᑍᑦᓱᒪᓂᐊᓗᒃ ᓱᖁᓯᔪᐃᑦᑐᒥᒃ ᓇᒡᓕᖕᓂᕆᓚᐅᕐᑍᑦ ᖃᓄᐃᓕᖓᓕᕐᒪᑦ? ᓱᖁᓯᔪᐃᑦᑑᓂᕐᓄᑦ ᐊᖏᕈᑎᒋᒻᒪᕆᓚᐅᕐᑍᑦ ᑍᕕᑎᒧᑦ?

ᐃᓐᖏᕈᑎᑦ 89:8

ᐊᑕᓃᖅ ᒎᑏ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᑭᓈ ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᕚ, ᐊᑕᓃᖅ? ᓱᖁᓯᔪᐃᑦᑑᓂᕐᓄᑦ ᐊᕙᑕᖏᕐᑕᐅᓯᒪᒐᕕᑦ.

ᐃᓐᖏᕈᑎᑦ 92:2

ᐅᓪᓛᒃᑯᑦ ᓇᓗᓁᕐᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ, ᐅᓐᓄᒃᑯᓪᓗ ᑲᔪᓯᑦᓯᐊᕐᓃᑦ ᐅᖃᐅᓯᕆᓗᒍ,

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:23

ᐅᓪᓛᑎᑐᑦ ᓄᑖᓐᖑᕐᑎᑕᐅᕕᕾᓐᓇᐅᔭᕐᒪᑦ ᓱᕐᕋᔪᐃᑦᑑᓃᑦ ᐊᖏᔫᖕᒪᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,