6 ᐃᑎᕐᓴᒧᑦ ᐊᑦᓯᖕᓂᕐᐹᒧᑦ ᐃᓕᓯᒪᕙᕐᒪ, ᑕᕝᕗᖓ ᑖᕐᑑᑉ ᐃᑎᔫᓪᓗ ᐃᓂᖓᓄᑦ.
ᐃᑎᓂᕐᒥᑦ ᓂᓪᓕᐊᕗᖓ ᐊᑕᓃᖅ ᐃᓕᖕᓄᑦ.
ᐊᑭᕋᕐᑐᕐᑎᒪ ᑕᕐᓂᕋ ᓵᓚᒋᓇᓱᐊᕐᒪᒍ; ᐃᓅᓯᕋ ᓯᖁᒥᓪᓗᒍ ᓄᓇᒧᑦ ᐅᕐᕈᑎᑉᐹ; ᑖᕐᑐᒥᐅᖑᑎᓕᕐᐹᖓ, ᓲᕐᓗ ᑐᖁᖓᔪᑐᖃᕐᑎᑐᑦ.
ᕿᓗᕚᖓᓗ ᐃᑎᕐᓵᓗᖕᒥᑦ ᐊᓯᐅᓇᕐᑐᒥᑦ, ᒪᕐᕋᕐᒥᑦ ᐊᕿᑦᑐᐊᓗᖕᒥᑦ, ᐃᑎᒐᒃᑲᓗ ᕾᕐᑐᒧᐊᕐᑎᑉᐰᑦ, ᐊᓪᓗᕐᕕᒋᓂᐊᕐᑕᒃᑲᓗ ᐋᖅᑭᑦᓯᐊᕐᐰᑦ.
ᐃᒪᕐᒧᑦ ᖄᒥᑦᑐᒧᑦ ᐅᓗᑦᔭᐅᑎᓐᓂᐊᕐᓇᖓ, ᐃᑎᔪᕐᔪᐊᒧᓪᓗ ᐄᔭᐅᑎᑦᑍᓕᓐᖓ; ᐃᑎᕐᓵᓘᓪᓗ ᐹᖓ ᖁᓕᓐᓂ ᒪᑐᑎᑦᑍᓕᒍᒃ.
ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.
ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ, ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.
ᐅᖁᒤᑦᑐᒧᑦ ᐊᔭᐅᕐᐹᖓ ᑖᕐᑐᒧᑦ ᖃᐅᒪᓂᖃᖏᑦᑐᒧᑦ.
ᐊᑕᓃᖅ, ᐃᓗᖏᕐᑐᕐᓗᖓ ᕿᓄᕕᒋᓚᐅᕐᐸᒋᑦ ᐃᑎᕐᓴᒦᕝᕕᒋᔭᓐᓂᑦ.
ᐃᓱᒪᓚᐅᕐᐳᖓᓗ ᐃᒋᑕᐅᓇᓱᒋᓪᓗᖓ ᐃᔨᕕᑦ ᓵᖓᓂᑦ; ᐃᒡᓗᒐᓴᒡᔪᐊᖁᑎᑎᓪᓗ ᐃᑦᔪᕐᓁᑦᑐᑦ ᑕᑯᓚᐅᕐᓯᒪᓂᐊᕋᓱᒋᔪᓐᓃᓚᐅᕐᐸᒃᑲ.
ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.
ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.
ᐃᖏᐅᓕᐊᓗᒃᑎᑐᑦ ᐃᒪᕕᖕᒥ ᑍᒤᑉᐳᑦ, ᖃᐳᐊᓕᕐᑎᑦᓯᓂᕐᒥᒃ ᓴᖅᑭᑎᑦᓯᔪᑎᑐᑦ ᐱᓂᐊᕐᓂᕐᒥᒃᑎᒍᑦ ᑲᓐᖑᓇᕐᑐᒦᑎᑉᐳᑦ; ᐅᓪᓗᕆᐊᑎᑐᑦ ᐃᖏᕐᕋᑐᐃᓐᓈᕐᑐᑎᑐᑦ ᑍᒤᑉᐳᑦ ᐃᓂᓕᐅᕐᑕᐅᔭᕆᕐᓯᒪᕗᑦ ᐃᓱᖃᖏᑦᑐᒧᑦ ᑕᕝᕙᓃᖏᓐᓇᕐᓂᐊᓕᕐᓗᑎᒃ ᑖᕐᑐᕐᔪᐊᕐᒥ.
ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;
