ᐃᓐᖏᕈᑎᑦ 88:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑐᖁᖓᔪᑦ ᐊᑯᕐᖓᓐᓄᑦ ᕿᒪᒃᑕᐅᓯᒪᔪᑎᑑᓕᕐᐳᖓ, ᐅᓇᑕᕐᑐᓂ ᑐᖁᑕᐅᓯᒪᔪᑎᑐᑦ ᐃᓗᕕᖃᕐᕕᖕᒥ ᓇᓚᔪᑎᑐᑦ, ᐃᓕᖕᓄᑦ ᐃᖅᑲᐅᒪᔭᐅᔪᓐᓃᕐᑐᑎᑐᑦ ᑍᒤᓕᕐᐳᖓ, ᐊᒡᒐᖕᓄᑦ ᑲᒪᒋᔭᐅᔪᓐᓃᕐᑐᑎᑑᓕᕐᐳᖓ.

ᐃᓐᖏᕈᑎᑦ 88:5 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:29

ᐃᒤᓚᐅᕐᐳᖅ, ᒎᑎᐅᑉ ᐃᒡᓗᒐᓮᑦ ᐊᓯᕈᕋᒥᒋᑦ ᓇᕐᓴᒦᑦᑐᑦ, ᒎᑎᐅᑉ ᐂᑉᕋᕼᐋᒻ ᐃᖅᑲᐅᒪᓚᐅᕐᐹ, ᓘᑎ ᐊᐅᓪᓚᕐᑎᓪᓗᒍ ᓄᖑᑕᐅᔪᑦ ᐊᑯᕐᖓᓐᓂᑦ, ᓄᖑᓐᓂᐊᓕᕋᒥᒋᑦ ᐃᓗᒐᓮᑦ ᓘᑎᐅᑉ ᓄᓇᖃᕐᕕᒋᔭᖏᑦ.

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᔫᐱᐅᑉ ᐊᒡᓚᖏᑦ 11:10

ᒎᑎᐅᑉ ᑎᒍᓗᓂᑎᑦ, ᐃᖅᑲᕐᑐᒐᒃᓴᓕᐊᕆᒃᐸᑎᑦ, ᑭᓇᒧᓪᓕ ᐊᒡᕕᐊᕐᑕᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 17:1

“ᐃᓅᔪᓐᓁᕐᕕᒃᓴᕋ ᖃᒡᓕᕗᖅ, ᐊᓂᕐᓂᕋ ᓯᖁᒥᓯᒪᓕᕐᒪᑦ, ᐃᓗᕕᒃᓴᕋᓗ ᐅᕙᓐᓂᒃ ᐅᑕᖅᑭᓕᕐᐳᖅ.

ᔫᐱᐅᑉ ᐊᒡᓚᖏᑦ 6:9

ᒎᑎᐅᑉ ᓱᕋᒐᓱᐊᕈᒪᓗᓂᖓ ᐱᓇᓱᐊᕈᒪᒍᓂ, ᐱᐅᓂᕐᓴᐅᓕᕋᔭᕐᐳᖅ ᓴᒃᑯᓪᓗᓂᖓ ᑐᖁᑦᓯᐊᒻᒪᕆᒃᑯᓂᖓ!

ᐃᓐᖏᕈᑎᑦ 136:23

ᐃᖅᑲᐅᒪᓚᐅᕐᐹᑎᒍᑦ ᓱᓇᐅᔪᓐᓃᕐᑎᑕᐅᓯᒪᑎᓪᓗᑕ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 28:1

ᐃᓕᖕᓄᑦ ᓂᓪᓕᐊᕗᖓ, ᐊᑕᓃᖅ ᕾᕐᑐᕆᒐᒃᑭᑦ; ᓂᓪᓕᕐᑍᓕᕝᕕᒋᓂᐊᕐᓇᖓ ᓂᓪᓕᕐᑍᓕᒍᕕᑦ ᐅᕙᓐᓄᑦ, ᑍᒃᑯᐊ ᐃᑎᕐᓵᓗᖕᒧᑦ ᑲᑕᒃᑐᑦ ᐊᑦᔨᒋᓂᐊᕐᐸᒃᑲ.

ᐃᓐᖏᕈᑎᑦ 31:12

ᐳᐃᒍᕐᑕᐅᓯᒪᕗᖓ ᑐᖁᖓᔪᑎᑐᑦ ᐃᓱᒪᔪᓐᓇᕈᓐᓃᕐᑐᑐᑦ; ᐃᓗᓕᖁᑎᑐᑦ ᓯᖁᒥᓯᒪᔪᑎᑐᖅ ᑍᒤᓕᕐᐳᖓ.

ᐃᓐᖏᕈᑎᑦ 31:22

ᐅᐃᒪᔮᕐᓗᖓ ᐅᖃᓚᐅᕋᒪ, “ᐃᕝᕕᑦ ᐃᔨᖕᓂᑦ ᑕᕐᕆᓯᒪᕗᖓ”; ᕿᓄᒐᒪᓕ ᓂᐱᒐ ᑐᓴᓚᐅᕐᐸᑦ ᓂᓪᓕᐊᓕᕋᒪ ᐃᓕᖕᓄᑦ.

ᐃᓐᖏᕈᑎᑦ 88:16

ᓂᓐᖓᐅᒪᓂᕐᐱᑦ ᓵᓚᒋᓯᒪᖕᒪᖓ; ᖁᐊᕐᓵᕐᑎᑦᓯᓂᕕᓪᓗ ᓱᕈᕐᑎᑉᐹᖓ.

ᐂᓮᐊᓯᐅᑉ ᐊᒡᓚᖏᑦ 53:8

ᐅᑯᒤᒃᓴᕐᑎᑕᐅᓂᒃᑯᑦ ᐃᖅᑲᕐᑐᕐᑕᐅᓂᒃᑯᓪᓗ ᐊᐅᓪᓚᕈᑦᔭᐅᓚᐅᕐᐳᖅ; ᑭᓇ ᐅᖃᐅᓯᖃᕈᓐᓇᓚᐅᕐᐸ ᑭᖑᕚᒃᓴᖏᓐᓂᒃ? ᓄᓇᒥ ᐃᓅᔪᓂᒃ ᐃᓚᖃᕈᓐᓃᕐᑎᑕᐅᓚᐅᕐᒪᑦ, ᐃᓄᖁᑎᒪ ᓈᓚᒍᒪᖏᓐᓂᖏᓐᓄᑦ ᐋᓐᓂᐊᑎᑕᐅᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 37:11

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’