2 ᑐᒃᓯᐊᕐᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ, ᓯᐅᑏᑦ ᒪᓂᓚᐅᕈᒃ ᓂᓪᓕᐊᓂᓐᓄᑦ!
“ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ ᐅᖃᕐᑎᑕᐅᒃᐸᓪᓗ ᐅᖃᕕᖕᓂᕐᒥᒃ, ᕾᓗᓂᓗ ᑐᓂᕐᕈᓯᕐᕕᖕᒧᑦ ᐅᖃᕕᒍᑎᒥᓂᒃ ᓂᓪᓕᐊᒃᐸᑦ ᐅᕙᓂ ᑐᓂᕐᕈᓯᕐᕕᖁᑎᖕᓂ ᑕᕝᕗᓂ ᐃᒡᓗᒥ,
ᖃᐅᒻᒪᓚᐅᕐᑎᓐᓇᒍ ᒪᑭᓪᓗᖓ ᓂᓪᓕᐊᕕᒋᕙᒋᑦ ᐃᑲᔪᕐᑕᐅᔪᒪᓪᓗᖓ; ᐅᖃᐅᓯᕐᑎᑦ ᓂᕆᐅᒋᕙᒃᑲ.
ᐃᕝᕕᓪᓕ ᐃᑦᔪᕐᓁᑦᑑᕗᑎᑦ, ᐃᓂᖃᕐᓗᑎᓪᓗ ᐃᓴᕆᐊᓕᑎᑦ ᓂᕐᑐᓕᕐᓂᖏᓐᓂ.
ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ, ᕾᓚᐅᕆᑦ ᑐᐊᕕᕐᓗᑎᑦ ᓴᐳᑎᓗᖓᓗ; ᕾᕐᑐᕆᒐᒃᑭᑦ ᕿᒫᕕᒋᓪᓗᑎᓪᓗ ᕿᒫᕕᒃᓴᕆᓗᑎᑦ ᓴᐳᑦᔭᐅᕕᒃᓴᕆᒐᒃᑭᑦ.
ᑎᒍᔭᐅᓯᒪᔪᑦ ᓂᐹᓂᖏᑦ ᐃᓕᖕᓄᑦ ᑎᑭᐅᑎᓚᐅᕐᓕᑦ; ᐱᔪᓐᓇᕐᓂᕐᔪᐊᑦ ᒪᓕᒡᓗᒍ ᑐᖁᑕᒃᓴᕈᕐᑎᑕᐅᓯᒪᔪᑦ ᓴᐳᑎᓚᐅᒃᑭᑦ!
ᐊᑕᓃᖅ, ᓈᒃᑭᒋᓐᖓ, ᐅᓪᓗᓕᒫᖅ ᓂᓪᓕᐊᕕᒋᒐᒃᑭᑦ.
ᑐᒃᓯᐊᕋᓗᐊᕋᒪ ᐃᑲᔪᕐᑕᐅᔪᒪᓪᓗᖓ, ᑐᒃᓯᐊᕐᓂᕋ ᒪᑐᕚ.
