ᐃᓐᖏᕈᑎᑦ 88:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓇᒡᓕᖕᓃᑦ ᓱᕐᕋᔪᐃᑦᑐᖅ ᐅᓂᒃᑲᐅᓯᕆᔭᐅᓂᐊᕐᐹ ᐃᓗᕕᕐᓂ? ᐅᕝᕙᓗ ᓱᖁᓯᔪᐃᑦᑑᓃᑦ ᐅᖃᐅᓯᐅᓂᐊᕐᐹ ᐊᓯᕈᕐᑕᐅᕕᖕᒥ?

ᐃᓐᖏᕈᑎᑦ 88:11 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 21:30

ᐃᓄᒃ ᐱᐅᖏᑦᑐᓕᔪᖅ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᖏᑉᐸᑦ, ᓂᓐᖓᐅᓯᐅᔪᒫᕐᑑᑉ ᐅᓪᓗᖓᓂ ᓴᐳᑎᔭᐅᔪᓐᓇᕋᔭᕐᐹ?

ᔫᐱᐅᑉ ᐊᒡᓚᖏᑦ 26:6

ᑐᖁᖓᔪᑦ ᐃᓂᖓᑦ ᐊᓐᓄᕌᖃᓐᖏᓚᖅ ᒎᑎᐅᑉ ᓵᖓᓂ, ᐊᓯᕈᕐᑕᐅᓂᕐᓗ ᐅᓕᒃᓯᒪᓇᓂ ᑖᑦᓱᒪᓂ.

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᐃᓐᖏᕈᑎᑦ 6:6

ᑕᖃᒐᒪ ᓂᐹᓂᕐᒥᒃ; ᐅᓐᓄᐊᖅ ᓈᓪᓗᒍ ᓯᓂᒡᕕᒐ ᖃᐅᓯᕐᑎᑉᐸᕋ ᕿᐊᓂᓐᓄᑦ, ᓇᓪᓚᖓᕕᒐᓗ ᒪᓴᒃᑎᑉᐸᕋ ᖁᕝᕕᓐᓄᑦ.

ᐃᓐᖏᕈᑎᑦ 73:18

ᐃᓛᒃ ᓱᓕᔪᒥᒃ ᐃᓕᕙᑎᑦ ᖁᐂᑦᑖᕐᓇᕐᑐᓄᑦ; ᐃᒋᓪᓗᒋᓪᓗ ᑲᑕᖁᓪᓗᒋᑦ ᐊᓯᕈᕐᑕᐅᕕᖕᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:11

ᑲᑉᐱᐊᓇᕐᑐᕕᒃ ᐊᓯᕈᕐᑕᐅᓇᕐᑐᕐᓗ ᐊᑕᓂᐅᑉ ᓵᖓᓂᑉᐳᑦ, ᐊᖏᓂᕐᓴᒥᒡᓕ ᐃᓄᐃᑦ ᐆᒻᒪᒻᒥᐅᑕᖏᑦ ᐃᔨᕐᓯᒪᔪᓐᓇᓐᖏᓚᑦ ᐊᑕᓂᐅᑉ ᓵᖓᓂ.

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 37:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᓴᐅᓂᕕᓃᑦ ᒪᑯᐊ ᐆᒻᒪᕈᓐᓇᕐᐹᑦ?” ᑭᐅᕙᕋᓗ, “ᐊᑕᓃᖅ ᒎᑏ, ᐃᕝᕕᑐᐊᖅ ᖃᐅᔨᒪᕗᑎᑦ.”

ᒫᑎᐅᓯᐅᑉ ᐊᒡᓚᖏᑦ 7:13

“ᐃᑎᕐᕕᑭᑦᑐᒃᑯᑦ ᐃᑎᕆᑦᓯ, ᐃᑎᕐᕕᒃ ᓂᕈᑐᖕᒪᑦ ᑲᑉᐱᐊᓇᕐᑐᕕᖕᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᕐᑑᓪᓗᓂ, ᐊᒥᓱᑦ ᑕᒪᓐᓇ ᐊᑐᕐᐹᑦ.

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.