7 ᐃᓐᖏᕐᑏᑦ ᑖᓂᓯᕐᑏᓪᓗ ᐅᖃᕈᒫᕐᐳᑦ, “ᓮᒻᒪᕐᑎᑕᐅᓂᓕᒫᒃᑲ ᐃᓕᖕᓂᑦ ᐱᕗᑦ.”
ᑍᕕᑎᓗ ᑖᓂᓯᓚᐅᕐᐳᖅ ᐊᑕᓂᐅᑉ ᓵᖓᓂ ᐱᔪᓐᓇᕐᓂᓕᒫᒥᓂᒃ ᐊᑐᕐᓗᓂ; ᕿᑎᕈᓯᕐᓯᒪᓪᓗᓂ ᖃᓪᓗᓈᕐᑕᒥᒃ ᓵᑦᑐᒥᒃ ᑖᓐᓇᓗ ᐊᑐᕐᑕᑐᐊᕆᓪᓗᒍ.
4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.
ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.
ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.
ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,
“ᒎᑎ ᓂᕐᑐᕐᑕᐅᓕ ᐃᓄᒋᐊᒃᑐᕐᔪᐊᑦ ᐊᑯᕐᖓᓐᓂ; ᐊᑕᓂᖅ ᓂᕐᑐᕐᑕᐅᓕ ᐃᓴᕆᐊᓕᑎᑦ ᑲᑎᒪᔪᕐᔪᐊᖁᑎᖏᓐᓂ.”
ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.
ᑕᕝᕙ ᐅᑎᕈᑎᕚᖓ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᑦ; ᑕᑯᒋᓪᓗ, ᐃᑎᕐᑕᕐᕕᐅᑉ ᐊᑖᒍᑦ ᑰᒃᑕᖃᕐᐳᖅ ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᑰᒃᑐᒥᒃ ᑐᒃᓯᐊᕐᕕᒡᔪᐊᑉ ᓵᓐᖓᔭᖓᓄᑦ; ᑰᒃᑐᕐᓗ ᐱᒋᐊᕐᓯᒪᕗᖅ ᑐᒃᓯᐊᕐᕕᒡᔪᐊᑉ ᐊᑖᓂᑦ ᐅᓪᓗᓪᓗᐊᑉ ᓇᓛᓂᑦ, ᑐᓂᕐᕈᓯᕐᕕᐅᑉ ᐅᓪᓗᓪᓗᐊᖓᑕ ᓇᓛᓂᑦ.
ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.
ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”
ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”
ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.
ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.
ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ
ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.
