9 ᒎᑏ ᓴᐴᓗᑕᕆᔭᕗᑦ, ᐅᕐᓱᕐᑎᕐᓯᒪᔭᕐᐱᑦ ᑮᓇᖓ ᑕᑯᓴᓚᐅᕈᒃ.
ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”
ᑍᕕᑎ ᔨᓯᐅᑉ ᐃᕐᓂᖓ ᑖᓐᓇ ᒎᑎᐅᑉ ᐊᖏᔪᕈᕐᑎᓚᐅᕐᐹ, ᔧᑰᑉ ᒎᑎᖓᑕ ᓂᕈᐊᓚᐅᕐᑕᖓ ᐊᖓᔪᖅᑳᕐᔪᐊᓐᖑᖁᓪᓗᒍ, ᐃᓐᖏᐅᓯᓕᐅᕐᑎᐅᓚᐅᕐᑐᖅ ᐱᐅᔪᐊᓗᖕᓂᒃ ᐃᓴᕆᐊᓕᒥᐅᓄᑦ. ᐅᑯᐊ ᑕᕝᕙ ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ:
ᐊᑕᓃᖅ ᒎᑏ, ᑮᓁᑦ ᐊᓚᕐᑎᓐᓂᐊᕐᓇᒍ ᐅᕐᓱᕐᑎᓯᒪᔭᕐᓂᑦ! ᐃᖅᑲᐅᒪᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᔨᖕᓂᒃ ᑍᕕᑎᒥᒃ.”
ᑕᕝᕙᓂ ᑍᕕᑎᐅᑉ ᓇᒡᔪᖓ ᒪᑭᑎᓐᓂᐊᕐᐸᕋ; ᐅᕐᓱᕐᑎᕐᓯᒪᔭᕋ ᐊᑐᐃᓐᓇᕈᐃᕕᒋᓯᒪᕙᕋ ᓇᓂᕈᐊᕐᒥᒃ.
ᑐᓵᓚᐅᕆᑦ ᐱᑦᔪᑎᒃᓴᓪᓚᕆᓐᓂᒃ, ᐊᑕᓃᖅ, ᑐᒃᓯᐊᕐᓂᕋ ᓈᓚᓚᐅᕈᒃ ᖃᓂᕐᒥᑦ ᐅᐃᕕᕆᒃᓯᖏᑐᒥᑦ ᐱᔪᖅ.
ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;
“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”
ᐃᕝᕕᓪᓕ ᐊᑕᓃᖅ ᐊᕙᑎᓐᓄᑦ ᓴᐴᓗᑕᕆᕙᒋᑦ, ᓂᕐᑐᕐᓇᕐᑐᖁᑎᒋᕙᒋᑦ, ᓂᐊᖁᕋ ᒪᑭᑎᒐᕕᐅᒃ.
ᑐᖁᓐᓂᐊᕐᓇᒋᑦ, ᐃᓅᖃᑎᒃᑲ ᐳᐃᒍᖁᓇᒋᑦ; ᐊᕕᒃᑐᕐᑎᒃᑭᓪᓕ ᐱᔪᓐᓇᕐᓂᕐᓄᑦ, ᑲᑕᒃᑎᓪᓗᒋᓪᓗ, ᐊᑕᓃᖅ ᓴᐴᓗᑕᕆᔭᕗᑦ.
ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.
ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.
ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.
“ᓇᓗᓇᖏᒻᒪᑦ ᓄᓇᓕᖕᓂ ᐅᕙᓂ ᐃᕉᑕᓯ, ᐴᓐᑎᐅᓯ ᐰᓛᑑᓯᓗ ᔫᑎᐅᖏᑦᑐᓪᓗ, ᐃᓴᕆᐊᓕᒥᐅᓪᓗ ᑲᑐᑦᔨᓕᓚᐅᕐᒪᑕ, ᐱᔨᒋᔧᑦ ᐃᑦᔪᕐᓁᑦᑐᖅ ᔩᓱᓯ ᙭ᔅᑑᓯᖁᑎᒋᔧᑦ ᐊᑭᕋᕐᑐᕐᓗᒍ.
ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”
ᑕᒪᐅᖓᓗ, ᕾᖕᒪᑕ, ᑕᑯᒐᒥᓗ ᐃᓔᐊᑉᒥᒃ ᐃᓱᒪᓕᕐᐳᖅ, “ᐃᓛᒃ ᑕᕝᕙ ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᑖᓐᓇᐅᕗᖅ.”
ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”
