12 ᐅᖃᓚᐅᕐᑐᑎᑐᑦ, “ᒎᑎᐅᑉ ᑲᒪᒋᔭᖏᑦ ᓇᖕᒥᓂᖅ ᐱᑖᕆᓚᐅᕐᓚᕗᑦ.”
ᑕᑯᒋᑦ, ᑕᒫᓃᓕᕐᐳᑦ ᐊᑭᓂᐊᕈᒪᓪᓗᑕ ᓯᖏᑦᑐᒪᓪᓗᑕᓗ ᐱᖁᑎᖕᓂᑦ, ᑐᓂᓚᐅᕐᑕᕐᓂᑦ ᐅᕙᑦᑎᓐᓄᑦ ᑭᖑᕐᖑᑦᔭᐅᖁᓪᓗᒍ.
ᐅᖃᕐᓗᑎᒃ, “ᐊᑍ ᓄᖑᓚᐅᕐᓚᕗᑦ ᐃᓅᖃᑎᒌᒡᔪᐊᖑᔪᓐᓃᖁᓪᓗᒋᑦ; ᐃᓴᕆᐊᓕᑏᑦ ᐊᑎᖓ ᐃᖅᑲᐅᒪᔭᐅᔪᓐᓃᖁᓪᓗᒍ!”
ᑎᒍᓯᓪᓗᑎᒡᓗ ᒪᕐᕉᖕᓂᒃ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖓᑕ ᐃᕐᓂᖏᖕᓂᒃ, ᐅᕆᑉ ᔩᐱᓗ; ᐅᕆᑉᓗ ᑐᖁᓚᐅᕐᐹᑦ ᐅᕆᐅᑉ ᐃᓐᓈᕈᖁᑎᖓᓂ, ᔩᐱᓗ ᑐᖁᓚᐅᕆᕚᑦ ᔩᐱᐅᑉ ᕔᓂᓕᐅᕐᕕᖓᓂ. ᒪᓖᓐᓇᕐᓗᑎᒃ ᒥᑎᐊᓂᒥᐅᓂᒃ ᐅᕆᐅᑉᓗ ᔩᐱᐅᓪᓗ ᓂᐊᖁᖏᒃ ᒋᑎᐅᓂᒧᐊᕐᐰᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ.
ᔩᐸᓗ ᔮᓪᒨᓇᓗ ᐅᖃᕐᐴᒃ ᒋᑎᐅᓂᒧᑦ, “ᐊᑏ, ᓇᖕᒥᓂᖅ ᑐᖁᓚᐅᕐᑎᒍᒃ. ᐊᖑᑦ ᐊᖑᑕᐅᖕᒪᑦ ᓴᓐᖏᔫᓪᓗᓂᓗ.” ᑍᒤᒻᒪᑦ ᒋᑎᐅᓂᐅᑉ ᑐᖁᑉᐹᒃ, ᑳᒥᓕᖁᑎᖏᑕᓗ ᖁᖓᓯᖏᑕ ᐱᐅᓴᐅᑎᖏᑦ ᐅᔭᒥᖏᑦ ᑎᒍᕔᑦ.
