ᐃᓐᖏᕈᑎᑦ 81:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᐃᓐᖏᕈᑎᑦ 81:7 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 19:19

ᑎᑦᑐᓚᐅᑎᐅᓪᓗ ᓂᐱᖓ ᓂᐱᖅᑯᕐᑐᓯᕙᓪᓕᐊᓚᐅᕐᐳᖅ. ᒨᓯᓯᓗ ᐅᖃᕐᒪᑦ ᒎᑎᐅᑉ ᑭᐅᕚ ᑲᓪᓕᕐᒧᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᒨᓯᓯ ᓯᑕᒪᖏᑦ 20:13

ᑍᒫᒃ ᐱᔪᖃᓚᐅᕐᐳᖅ ᐃᒪᕐᒥᒃ ᓄᓇᒥ ᒥᕆᐸᒥ, ᐃᓴᕆᐊᓕᒥᐅᑦ ᐂᕙᓚᐅᕐᒪᑕ ᐊᑕᓂᕐᒧᑦ, ᐃᑦᔪᕐᓁᓐᓂᕐᒥᓂᒡᓗ ᓴᖅᑭᑎᑦᓯᓚᐅᕐᒪᑦ ᑖᒃᑯᓄᖓ.

ᒨᓯᓯ ᐂᑉᐸᖏᑦ 2:23

ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᐂᑉᐸᖏᑦ 14:10

ᐃᓴᕆᐊᓕᒥᐅᓪᓕ ᑕᑯᓕᕋᒥᒃ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᓇᑕᕆᐊᓕᕐᑐᓂᒃ, ᐄᑦᔨᑉᑎᒥᐅᑦ ᒪᓕᓕᕐᒪᑕ; ᑕᕝᕙ ᑲᑉᐱᐊᓱᕕᒡᔪᐊᓕᕐᐳᑦ ᐊᑕᓂᕐᒧᓪᓗ ᐃᓗᖏᕐᑐᕐᓗᑎᒃ ᓂᓪᓕᐊᓕᕐᐳᑦ ᐃᑲᔪᕐᑕᐅᔪᒪᓪᓗᑎᒃ.

ᒨᓯᓯ ᐂᑉᐸᖏᑦ 14:24

ᐅᓪᓗᕐᑖᕐᐸᓪᓕᐊᓕᕐᑎᓪᓗᒍᓗ ᐊᑕᓂᐅᑉ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᑕᐅᑐᒃᐰᑦ ᓄᕗᔮᓗᖕᒥᑦ ᐃᑯᐊᓚᔪᒥᑦ ᐅᐃᒻᒪᒃᑎᑉᐰᓪᓗ.

ᒨᓯᓯ ᑕᓪᓕᒪᖏᑦ 33:8

ᓕᕔᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᓕᕔᑉ ᑭᖑᕚᖏᑦ ᑐᒥᒻᒥᒃ ᑐᓂᓯᕕᒋᒃᑭᑦ, ᔪᕆᒻᑯᓪᓗ ᐃᑦᔪᕐᓁᑦᑐᖁᑎᖕᓄᑦ, ᐆᒃᑐᓚᐅᕋᕕᒋᑦ ᓄᓇᒥ ᒫᓴᒥ; ᐊᑭᒪᖃᑎᒋᓚᐅᕐᑕᑎᓪᓗ ᒥᕆᐸᐅᑉ ᐃᒪᖏᓐᓂ.

ᒨᓯᓯ ᓯᑕᒪᖏᑦ 20:24

“ᐂᕉᓂ ᐃᓄᖁᑎᒥᓄᑦ ᑲᑎᔭᐅᔭᕆᐊᖃᕐᐳᖅ, ᓄᓇᒧᑦ ᐃᓴᕆᐊᓕᒥᐅᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓐᓂᐊᖏᒻᒪᑦ, ᑕᒪᑦᓯᒃ ᐃᕝᕕᓪᓗ ᑖᓐᓇᓗ ᐱᖁᔭᓐᓂᒃ ᓈᓚᓚᐅᖏᓐᓇᑦᓯᒃ ᒥᕆᐸᒥ ᐃᒥᕐᑎᑕᐅᕕᖕᒥ.

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 16:14

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕐᐸᒍᓐᓃᕈᒫᕐᐳᖅ ᐃᒫᒃ, ‘ᐊᑕᓂᖅ ᐃᓅᖕᒪᑦ, ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐄᑦᔨᑉᑎᒥᑦ.’