70 ᑍᕕᑎᓗ ᐱᔨᓂ ᓂᕈᐊᓚᐅᕆᕚ, ᓰᐱᓕᕆᕕᖓᓂᑦ ᑎᒍᓪᓗᒍ;
ᒫᓐᓇ ᐱᕕᒃᓴᖃᓕᕐᐳᓯ; ᐊᑕᓂᐅᑉ ᐊᖏᕐᕕᒋᓯᒪᖕᒪᒍ, ‘ᐱᔨᒐ ᑍᕕᑎ ᐊᑐᕐᓗᒍ ᐃᓴᕆᐊᓕᒥᐅᑦ ᐃᓄᖏᑦ ᐱᐅᓕᓂᐊᕐᐸᒃᑲ ᐱᓕᔅᑍᓂᒥᐅᓂᑦ, ᐊᑭᕋᓕᒫᖏᓐᓂᓪᓗ.’”
ᑍᕕᑎᓗ ᑭᐅᕗᖅ ᒤᑲᐅᓪᒧᑦ, “ᑖᓂᓯᖅᑲᐅᕗᖓ ᐊᑕᓂᖅ ᐅᐱᒋᓪᓗᒍ, ᐅᕙᓐᓂᒃ ᓂᕈᐊᓚᐅᕐᑐᒧᑦ ᐊᑖᑍᑦ ᐃᓇᖏᕐᑕᐅᖁᓪᓗᒍ, ᐃᓚᖏᓐᓄᓪᓗ ᓯᕗᓕᕐᑎᐅᖁᓪᓗᖓ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ, ᑖᓂᓰᓐᓇᕐᓂᐊᕐᐳᖓᓗ ᖁᕕᐊᓱᒡᓗᖓ ᐊᑕᓂᕐᒥᒃ ᐅᐱᒍᓱᒡᓗᖓ.
“ᒫᓐᓇ ᑍᒤᒻᒪᑦ ᐱᔨᒐ ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᐃᒫᒃ ᐅᖃᕐᐳᖅ, ᕾᖁᓚᐅᕐᐸᒋᑦ ᓰᐱᓂᒃ ᐰᕐᓯᔨᐅᑎᓪᓗᑎᑦ, ᐊᐅᓚᑦᓯᔨᐅᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.
‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’
ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᕐᐳᖅ ᐃᑦᔪᕐᓁᓐᓂᕋᕐᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ.
ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”
ᓴᐅᓕ ᐊᖓᔪᖅᑲᐅᕕᖕᒥᑦ ᐲᕐᑎᓐᓇᒥᐅᒃ, ᑍᕕᑎ ᑖᒃᑯᓄᖓ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹ; ᐃᒫᒃ ᐅᖃᐅᓯᕆᓪᓗᒍ, ‘ᑍᕕᑎ ᓇᓂᕙᕋ ᔨᓯᐅᑉ ᐃᕐᓂᖓ ᐊᖑᑦ ᓈᒻᒪᒋᔭᕋ ᐊᑐᕐᑕᐅᖁᔭᓐᓂᒃ ᐊᑐᑦᓯᐊᕈᓐᓇᕐᑐᖅ.’
