37 ᐆᒻᒪᑎᖏᑦ ᑖᑦᓱᒧᖓ ᑍᒫᑦᓮᓐᓈᖏᒻᒪᑕ; ᐊᖏᖃᑎᒌᒍᑎᖏᓐᓂᒡᓗ ᒪᓕᑦᓯᐊᓚᐅᕋᑎᒃ.
ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”
ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.
ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.
ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.
ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.
ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, “ᐆᒻᒪᑎᓯᒍᑦ ᐃᒃᓯᒎᕐᓂᕐᔪᐊᖃᕐᐳᓯ, ᑕᒪᒃᑯᓂᖓ ᐱᓇᓱᐊᖃᑦᑕᕐᓯᒪᒐᑦᓯ, ᓄᓕᐊᕐᓂᕐᒧᑦ ᑮᓇᐅᔭᓕᐅᕋᓱᐊᕐᑎᒻᒪᕆᒃᑎᑐᑦ;
ᐆᒻᒪᑎᖏᑦ ᑕᒻᒪᕐᑎᑦᓯᕗᑦ; ᒫᓐᓇ ᐸᓯᔭᒃᓴᐅᓂᒃᑯᑦ ᐃᓅᓂᐊᓕᕐᐳᑦ. ᑐᓂᕐᕈᓯᕐᕕᖁᑎᖏᑦ ᐊᑕᓂᐅᑉ ᓯᖁᑦᑎᕐᓂᐊᕐᐰᑦ, ᐅᔭᕅᓪᓗ ᓇᐸᔪᑦ ᒎᑎᓐᖑᐊᑦ ᐊᓯᕈᕐᓗᒋᑦ.
ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.
ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”
ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.
ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,