ᐃᓐᖏᕈᑎᑦ 78:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᐃᖅᑬᓕᕐᓗᑎᒡᓗ ᒎᑎ ᕾᕐᑐᕆᒐᒥᑦᔪᒃ, ᒎᑎ ᖁᑦᓯᖕᓂᕐᐹᖑᔪᖅ ᓴᐳᑦᔨᔨᒋᒐᒥᑦᔪᒃ.

ᐃᓐᖏᕈᑎᑦ 78:35 ပူးပေါင်းရင်းမြစ်များ

ᐃᓐᖏᕈᑎᑦ 106:13

ᑖᑦᓱᒪᓕ ᐱᓂᐊᕐᓂᖏᑦ ᐳᐃᒍᑦᓴᐅᑎᒋᓚᐅᕆᕔᑦ; ᐱᓇᓱᐊᓕᓚᐅᕆᕗᑦ ᑖᑦᓱᒥᖓ ᖃᐅᔨᒋᐊᕐᕕᖃᓚᐅᕋᑎᒃ.

ᐃᓐᖏᕈᑎᑦ 106:21

ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.

ᐃᓐᖏᕈᑎᑦ 74:2

ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.

ᐃᓐᖏᕈᑎᑦ 78:11

ᐱᓂᐊᕐᓂᕆᓯᒪᔭᖏᓪᓗ ᐳᐃᒍᓚᐅᕐᐰᑦ ᑲᒪᓇᕐᑐᓕᓂᖏᓪᓗᑕᐅᖅ ᑖᒃᑯᓄᖓ ᑕᑯᒃᓴᐅᑎᓚᐅᕐᑕᖏᑦ.

ᐃᓐᖏᕈᑎᑦ 78:42

ᐱᔪᓐᓇᕐᓂᖓ ᐃᖅᑲᐅᒪᓚᐅᖏᓐᓇᒥᑦᔪᒃ; ᐅᕝᕙᓗ ᐅᓪᓗᐃᑦ ᐃᓚᖏᓐᓂ ᐊᑭᕋᒥᖕᓂᑦ ᓴᐳᑎᔭᐅᓚᐅᕐᓯᒪᓂᕐᒥᖕᓂᒃ.

ᐃᓐᖏᕈᑎᑦ 78:7

ᓯᕗᒧᑦ ᓂᕆᐅᒋᔭᖃᓕᖁᓪᓗᒋᑦ ᒎᑎᒥᒃ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐳᐃᒍᖁᓇᒋᑦ, ᐱᖁᔭᖏᓐᓂᒡᓗ ᐱᓯᒤᓐᓇᖁᓪᓗᒋᑦ;

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 44:6

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.