ᐃᓐᖏᕈᑎᑦ 77:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᐃᓐᖏᕈᑎᑦ 77:2 ပူးပေါင်းရင်းမြစ်များ

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 26:9

ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 31:15

ᐃᒫᒃ ᐊᑕᓂᖅ ᐅᖃᕐᐳᖅ, “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓗ ᕿᑐᕐᖓᖏᑦ ᓄᖑᑕᐅᖕᒪᑕ.”

ᔪᐊᓇᓯᐅᑉ ᐊᒡᓚᖏᑦ 11:31

ᔫᑎᓪᓕ ᐃᒡᓗᒦᑦᑐᑦ, ᐃᑲᔪᕆᐊᕐᓯᒪᔪᑦ ᑖᑦᓱᒥᖓ, ᒥᐊᕆ ᑕᑯᒐᒥᑦᔪᒃ ᑐᐊᕕᕐᓗᓂ ᐊᓂᖕᒪᑦ, ᒪᓕᒃᓴᕐᐹᑦ, ᕿᐊᔭᕐᑐᕋᓱᒋᓪᓗᒍ ᐃᓗᕕᕐᒧᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:14

ᐃᓅᑉ ᐊᓂᕐᓂᖓᑕ ᖃᓂᒪᑎᓪᓗᒍ ᐱᔪᓐᓇᕐᑎᑉᐹ; ᐊᓂᕐᓂᑯᓪᓕ ᓯᖁᒥᓯᒪᔪᖅ ᐃᒻᒥᓂᒃ ᐱᓯᒪᔪᓐᓇᓐᖏᓚᖅ.

ᐃᓐᖏᕈᑎᑦ 86:7

ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ ᓂᓪᓕᐊᕕᒋᕙᒋᑦ, ᐃᕝᕕᑦ ᑭᐅᓂᐊᕋᕕᖓ.

ᐃᓐᖏᕈᑎᑦ 63:6

ᐃᓂᓪᓚᖓᕕᓐᓂ ᐃᖅᑲᐅᒪᕙᒃᐸᒋᑦ, ᐃᓱᒪᒃᓴᕐᓯᐅᕈᑎᒋᕙᒃᐸᒋᓪᓗ ᐅᓐᓄᐊᑉ ᖃᐅᔨᓴᕐᕕᖏᓐᓂ.

ᐃᓐᖏᕈᑎᑦ 18:6

ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.

ᔫᐱᐅᑉ ᐊᒡᓚᖏᑦ 11:13

ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.

ᑯᕉᓂᑲ ᐂᑉᐸᖏᑦ 6:28

“ᓄᓇᒥ ᑳᖕᓇᕐᑐᖃᓕᕐᐸᑦ, ᖃᓂᒪᓇᕐᑐᖃᓕᕐᐸᑦ, ᐱᕈᕐᑐᐃᓪᓗ ᐊᓄᕆᒧᑦ ᓱᒃᑯᑕᐅᒃᐸᑕ, ᐱᒡᓕᕐᑕᐅᔮᕐᑐᓄᑦ ᐅᓄᕐᑐᕐᔪᐊᓄ ᓄᖑᑕᐅᒃᐸᑕ, ᐊᑭᕋᒥᖕᓄᓪᓗ ᓵᓚᐅᒃᐸᑕ ᓄᓇᒥᓂ ᐃᒡᓗᒐᓴᖕᓂᓗ; ᐋᓐᓂᐊᓇᕐᑐᖃᕐᐸᑦ ᓱᓇᑐᐃᓐᓇᕐᒥᒃ, ᖃᓂᒪᓇᕐᑐᖃᕐᐸᓪᓗ ᖃᓄᑐᐃᓐᓇᖅ;

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.