ᐃᓐᖏᕈᑎᑦ 77:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᐅᖃᓚᐅᕐᐳᖓ, “ᑕᒪᓐᓇ ᑕᕝᕙ ᐃᓱᒪᔮᕈᑎᒐ ᖁᑦᓯᖕᓂᕐᐹᑉ ᑕᓕᕐᐱᖕᒥᓄᑦ ᐱᓂᐊᕐᓂᖏᑦ ᐊᓯᑦᔨᕐᓯᒪᓕᕐᐳᑦ.”

ᐃᓐᖏᕈᑎᑦ 77:10 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 42:3

ᐅᖃᕐᓯᒪᕗᑎᑦ ᓯᓚᑐᓂᕐᓂᒃ ᖁᓚᕈᑎᖃᖁᓇᖓ ᓇᓗᑦᓯᐊᕐᑕᓐᓂᒃ ᐅᖃᐅᓯᖃᕐᓯᒪᒐᒪ, ᑍᒤᒻᒪᑦ ᐅᖃᐅᓯᖃᓚᐅᕐᐳᖓ ᖃᐅᔨᒪᓐᖏᑕᓐᓂᒃ, ᓂᕐᑐᕐᓇᕐᓃᑦ ᐊᖏᓗᐊᕐᒪᑦ ᑐᑭᓯᔭᕆᐊᖓ.

ᐃᓐᖏᕈᑎᑦ 116:11

ᐅᐸᓗᐃᓪᓗᖓ ᐅᖃᓚᐅᕐᐳᖓ, “ᐃᓄᓕᒫᑦ ᓴᒡᓗᑐᔪᐊᓗᐃᑦ.”

ᐃᓐᖏᕈᑎᑦ 31:22

ᐅᐃᒪᔮᕐᓗᖓ ᐅᖃᓚᐅᕋᒪ, “ᐃᕝᕕᑦ ᐃᔨᖕᓂᑦ ᑕᕐᕆᓯᒪᕗᖓ”; ᕿᓄᒐᒪᓕ ᓂᐱᒐ ᑐᓴᓚᐅᕐᐸᑦ ᓂᓪᓕᐊᓕᕋᒪ ᐃᓕᖕᓄᑦ.

ᐃᓐᖏᕈᑎᑦ 73:22

ᓯᓔᑦᑑᓚᐅᕋᒪ ᖃᐅᔨᒪᓇᖓᓗ, ᓂᕐᔪᑎᑎᑐᑦ ᖃᐅᔨᒪᓚᐅᓐᖏᓚᖓ ᐃᓕᖕᓂᒃ.

ᐃᓐᖏᕈᑎᑦ 77:5

ᐃᓱᒪᒃᓴᕐᓯᐅᕈᑎᒋᓚᐅᕐᐸᒃᑲ ᐅᓪᓗᐃᑦ ᑍᑦᓱᒪᓂᐊᓗᒃ ᐊᑐᓚᐅᕐᑐᑦ, ᐊᕐᕌᒍᐃᑦ ᑍᑦᓱᒪᓂᐊᓗᒃ ᐊᑐᓚᐅᕐᑐᕕᓃᑦ ᐃᖅᑲᐅᒪᓚᐅᕐᐸᒃᑲ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᒫᑯᓯᐅᑉ ᐊᒡᓚᖏᑦ 9:24

ᑕᕝᕔᓐᓇᕐᓕ ᓄᑲᑉᐱᐊᑉ ᐊᑖᑕᖓ ᓂᓪᓕᕐᓗᓂ ᐅᖃᕐᐳᖅ, “ᐅᒃᐱᕐᐳᖓ; ᐅᒃᐱᖏᓐᓂᓐᓂᑦ ᐃᑲᔪᓐᖓ!”

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.