ᐃᓐᖏᕈᑎᑦ 73:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᐃᓐᖏᕈᑎᑦ 73:28 ပူးပေါင်းရင်းမြစ်များ

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 116:7

ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.

ᐃᓐᖏᕈᑎᑦ 118:17

ᑐᖁᓂᐊᓐᖏᓚᖓ, ᐃᓅᓂᐊᕐᐳᖓᓕ, ᐊᑕᓂᐅᓪᓗ ᐱᓇᓱᐊᕐᓂᖓ ᐅᖃᐅᓯᕆᓂᐊᕐᐸᕋ.

ᐃᓐᖏᕈᑎᑦ 14:6

ᐃᓕᑦᓯ ᐊᔪᕐᓴᕐᑐᑦ ᐱᓂᐊᕐᓂᖏᑦ ᒥᑕᐅᑎᒋᕙᓯ, ᑖᒃᑯᐊᓕ ᒎᑎ ᕿᒫᕕᒋᕚᑦ.

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᐃᓐᖏᕈᑎᑦ 65:4

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᓂᕈᐊᕐᑍᑦ, ᐊᐅᓚᑦᓯᓂᕐᓄᓪᓗ ᐃᓕᔧᑦ, ᐃᓂᖃᖁᓪᓗᒍ ᐃᒡᓗᕕᑦ ᑐᕐᓲᖓᓂ. ᑕᕝᕙ ᓈᒻᒪᒃᓯᔪᒫᕐᐳᒍᑦ ᐃᒡᓗᕕᑦ ᐱᐅᔪᐊᓘᓂᖓᓄᑦ, ᑐᒃᓯᐊᕐᕕᒡᔪᐊᒥ ᐃᑦᔪᕐᓁᑦᑐᖁᑎᖕᓂ!

ᐃᓐᖏᕈᑎᑦ 66:16

ᕾᒋᑦᓯ ᑐᓵᔭᕐᑐᕐᓗᓯ, ᑕᒪᑦᓯ ᒎᑎᒥᒃ ᓯᕘᕋᔪᓯ, ᐅᖃᐅᑎᓂᐊᕋᑦᓯ ᖃᓄᖅ ᑕᕐᓂᓐᓂᒃ ᐱᓯᒪᖕᒪᖔᑦ.

ᐃᓐᖏᕈᑎᑦ 71:15

ᖃᓂᓐᓄᑦ ᐅᖃᐅᓯᕆᔪᒪᕙᕋ ᐃᓱᐊᕐᑐᓕᓃᑦ, ᐱᐅᓕᒃᓯᓃᓪᓗ ᐅᓪᓗᖅ ᓈᓗᒍ, ᖃᖓᒃᑯᑦ ᐃᓱᓕᕝᕕᒃᓴᖃᕐᒪᖔᑕ ᖃᐅᔨᒪᖏᓐᓇᒪ.

ᐃᓐᖏᕈᑎᑦ 71:17

ᒎᑏ, ᐊᔪᕆᕐᑐᕋᕕᖓ ᑍᒪᓐᖓᑦ ᐃᓅᓱᒃᑑᓂᓐᓂᑦ, ᐱᓂᐊᕐᓂᑎᓪᓗ ᑲᒪᓇᕐᑐᑦ ᓱᓕ ᐅᓪᓗᒥ ᐅᖃᐅᓯᕆᕙᒃᑲ.

ᐃᓐᖏᕈᑎᑦ 71:24

ᐅᖃᕋᓗ ᓂᓪᓕᐊᓂᐊᕆᕗᖅ ᐃᓱᐊᕐᑐᓕᓂᕐᓂᒃ ᐅᓪᓗᖅ ᓈᓗᒍ; ᐊᑭᕋᒃᑲ ᑲᓐᖑᓱᒃᑎᑕᐅᖕᒪᑕ ᓇᓗᓕᕐᓗᑎᒡᓗ ᐅᕙᓐᓂᒃ ᐋᓐᓂᕐᓯᔪᒪᔪᑦ.

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᓴᒧᐃᓕ ᓯᕗᓪᓖᑦ 14:36

ᑕᕝᕙ ᓴᐅᓕ ᐅᖃᕐᐳᖅ, “ᐂᓚᐅᕐᑕ ᐅᓐᓄᒃᑯᑦ ᑕᐅᓄᖓ ᐱᓕᔅᑍᓂᒥᐅᓄᑦ, ᑐᖁᕋᕐᓗᒋᓪᓗ ᐅᓪᓛᑉ ᖃᐅᓂᖓ ᑎᑭᓪᓗᒍ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᖏᓪᓗᒋᑦ.” ᑖᒃᑯᐊ ᑭᐅᕗᑦ, “ᐱᐅᓂᕐᐹᖑᓇᓱᒋᔧᑦ ᐊᑐᓕᕈᒃ.” ᑐᓂᕐᕈᓯᕐᑎᑦᓯᔨᓕ ᐅᖃᕐᐳᖅ, “ᐊᑕᓂᕐᒧᑦ ᖃᐅᔨᒋᐊᓚᐅᕐᑕ ᑕᒫᓂ.”