ᐃᓐᖏᕈᑎᑦ 73:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

ᐃᓐᖏᕈᑎᑦ 73:19 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 15:21

ᑲᑉᐱᐊᓱᐊᕙᓗᖕᒥᒃ ᓂᐱᒥᒃ ᑐᓵᕙᖕᓂᐊᕐᐳᖅ; ᐃᓱᒫᓗᓇᕐᑐᖃᕐᑎᓐᓇᒍ ᐊᓯᕈᐃᔨᒧᑦ ᑎᑭᑕᐅᔪᒫᕐᐳᖅ.

ᔫᐱᐅᑉ ᐊᒡᓚᖏᑦ 18:11

ᖁᐊᕐᓵᕐᓇᕐᑐᒧᑦ ᑲᑉᐱᐊᓱᒃᑎᑕᐅᓂᐊᕐᐳᖅ ᐊᕙᑎᓕᒫᖓᓂᑦ; ᑭᖕᒥᖓᓄᑦ ᐊᒃᑐᐊᔪᒥᒃ ᒪᓕᒃᑕᐅᖏᓐᓇᕐᓂᐊᕐᐳᖅ.

ᔫᐱᐅᑉ ᐊᒡᓚᖏᑦ 20:5

ᐱᐅᖏᑦᑐᓕᔫᑉ ᖃᓄᐃᓐᖏᑬᓐᓇᕐᓂᖓ ᓁᑦᑑᕗᖅ, ᒎᑎᖃᖏᑦᑑᓪᓗ ᖁᕕᐊᓱᑬᓐᓇᕐᓂᖓ ᓯᕕᑭᑦᑑᓪᓗᓂ.

ᐃᓐᖏᕈᑎᑦ 58:9

ᐅᒃᑯᓯᒃ ᐆᓇᕐᓯᖅᑳᕐᑎᓐᓇᒍ ᐅᕐᐱᒊᑦ ᑲᑭᓪᓚᕐᓇᕐᑐᑦ ᐃᑯᐊᓚᓂᖏᓐᓄᑦ, ᐆᒻᒪᐅᒐᓗᐊᕐᐸᑕ ᐸᓪᓕᐅᒃᐸᑕᓘᓐᓃᑦ, ᐱᐅᖏᑦᑐᓕᔪᑦ ᑎᒃᑕᐅᑎᑦᓱᒫᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1

ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:13

ᑍᒤᒻᒪᑦ ᐊᔪᕐᑐᓕᓂᖅ ᑕᒪᓐᓇ ᐃᓕᑦᓯᓐᓄᑦ ᐱᔪᒫᕐᐳᖅ ᐊᕙᓗᕐᔪᐊᑐᑦ ᐃᓚᓐᖓᕐᓯᒪᔪᑐᑦ, ᐊᓂᖓᔪᑐᑦ ᓯᖁᒥᑉᐸᓪᓕᐊᓕᕐᑐᑐᑦ, ᑍᒤᑦᑐᖅ ᐅᕐᕈᓂᐊᕐᐳᖅ ᓂᕆᐅᓇᖏᑦᑐᒥᒃ ᑕᕝᕔᓐᓇᖅ.

ᐂᓮᐊᓯᐅᑉ ᐊᒡᓚᖏᑦ 47:11

ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᒨᓯᓯ ᓯᑕᒪᖏᑦ 16:21

“ᐊᕝᕗᑎᓕᕆᑦᓯᒃ ᐃᓄᒋᐊᒃᑐᕐᔪᐊᓂᑦ ᐅᑯᓇᓐᖓᑦ, ᐅᑯᐊ ᒫᓐᓈᐱᒃ ᓄᖑᓐᓂᐊᕋᒃᑭᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:23

ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᓴᒧᐃᓕ ᓯᕗᓪᓖᑦ 25:38

ᐅᓪᓗᐃᑦ ᖁᓖᑦ ᐊᓂᒍᕐᒪᑕ ᐊᑕᓂᐅᑉ ᓁᐳᓪ ᐊᓇᐅᕚ, ᑐᖁᓪᓗᓂᓗ.

ᓴᒧᐃᓕ ᓯᕗᓪᓖᑦ 28:20

ᑕᕝᕙ ᓴᐅᓕ ᑕᕝᕔᓐᓇᖅ ᐅᕐᕈᕗᖅ ᒪᓂᖅᑲᒧᑦ ᐃᓯᕕᑦᓯᐊᕐᓗᓂ, ᑲᑉᐱᐊᓱᒻᒪᕆᒃᓗᓂ ᓴᒧᐃᓕᐅᑉ ᐅᖃᐅᓯᖏᓐᓂᒃ; ᓴᓐᖐᓕᒻᒪᕆᓚᐅᕐᐳᖅ, ᓂᕆᓚᐅᖏᓐᓇᒥ ᐅᓪᓗᓕᒫᖅ ᐅᓄᐊᓕᒫᕐᓗ.