8 ᖃᓂᕋ ᑕᑕᑎᑉᐸᑦ ᐃᓕᖕᓂᒃ ᓂᕐᑐᐃᓂᕐᒥᒃ, ᐱᓐᓇᕐᓇᕐᓂᕐᔪᐊᕐᓄᓪᓗ ᖃᐅᑕᒫᑦ.
ᑕᕐᓃᒃ, ᐊᑕᓂᖅ ᓂᕐᑐᕈᒃ! ᐊᑕᓃᖅ ᒎᑎᒐ ᐊᖏᔪᕐᔪᐊᖑᕗᑎᑦ; ᐊᓐᓄᕌᕐᓯᒪᕗᑎᑦ ᐅᐱᓐᓇᕐᓂᕐᒥᒃ ᐊᖓᔪᖅᑳᕐᔪᐊᖑᓂᕐᒥᒡᓗ,
ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ; ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ.
ᐅᖃᕋ ᓂᓪᓕᐊᓂᐊᕐᐳᖅ ᐃᓱᐊᕐᑑᓂᕐᓂᒃ, ᓂᕐᑐᕐᓇᕐᓂᕐᓂᒡᓗ ᐅᓪᓗᖅ ᓈᓗᒍ.
ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ.
ᖃᓂᓐᓄᑦ ᐅᖃᐅᓯᕆᔪᒪᕙᕋ ᐃᓱᐊᕐᑐᓕᓃᑦ, ᐱᐅᓕᒃᓯᓃᓪᓗ ᐅᓪᓗᖅ ᓈᓗᒍ, ᖃᖓᒃᑯᑦ ᐃᓱᓕᕝᕕᒃᓴᖃᕐᒪᖔᑕ ᖃᐅᔨᒪᖏᓐᓇᒪ.
ᐅᖃᕋᓗ ᓂᓪᓕᐊᓂᐊᕆᕗᖅ ᐃᓱᐊᕐᑐᓕᓂᕐᓂᒃ ᐅᓪᓗᖅ ᓈᓗᒍ; ᐊᑭᕋᒃᑲ ᑲᓐᖑᓱᒃᑎᑕᐅᖕᒪᑕ ᓇᓗᓕᕐᓗᑎᒡᓗ ᐅᕙᓐᓂᒃ ᐋᓐᓂᕐᓯᔪᒪᔪᑦ.
ᓂᕐᑐᕐᓇᕐᓂᖅ ᐊᖓᔪᖅᑳᕐᔪᐊᖑᓂᕐᓗ ᑖᑦᓱᒪᓃᑉᐳᑦ; ᓴᓐᖏᓂᖅ ᐃᓂᖁᓇᕐᓂᕐᓗ ᑖᑦᓱᒪ ᐃᑦᔪᕐᓁᑦᑐᕕᖁᑎᖓᓃᑉᐳᑦ.
