5 ᒎᑏ, ᓯᓔᓐᓂᕋ ᖃᐅᔨᒪᕙᑦ; ᐊᔪᕐᑐᓕᓂᒃᑲ ᐃᓕᖕᓄᑦ ᐃᔨᕐᓯᒪᓐᖏᓚᑦ.
ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.
ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.
ᐱᑦᔪᑎᒋᓗᖓ ᖁᕕᐊᓲᑎᖃᕐᑎᑦᑍᓕᒃᑭᑦ ᐅᕙᓐᓂᒃ ᐱᑦᔪᑎᒃᓴᖃᕋᑎᒃ ᐊᑭᕋᕐᑐᕐᑐᑦ; ᐆᒥᓱᖕᓂᕐᒧᓪᓗ ᐃᔨᒥᖕᓂᒃ ᓯᑯᓐᖏᓪᓚᒃᑎᑦᑍᓕᒃᑭᑦ ᐅᕙᓐᓂᒃ ᐆᒥᓱᒃᑐᑦ ᓱᓇᐅᖏᑦᑐᒧᑦ.
ᐃᑭᒃᑲ ᑎᐱᓗᓕᕐᐳᑦ, ᒪᕿᓪᓗᑎᒡᓗ, ᓯᓔᓐᓂᕐᒧᑦ ᐊᔪᕐᓂᖅ ᐱᑦᔪᑎᒋᓪᓗᒍ.
ᐊᑕᓃᖅ, ᐱᔪᒪᔭᓕᒫᒃᑲ ᓵᖕᓃᑉᐳᑦ; ᐊᓂᕐᓴᐅᒥᓂᒃᑲᓘᓐᓃᑦ ᐃᓕᖕᓄᑦ ᐃᔨᕐᓯᒪᓐᖏᓚᑦ.
ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.
