36 ᐱᔨᖏᑕᓗ ᑭᖑᕚᖏᑕ ᐱᑖᕆᔪᒫᕆᕚᑦ, ᐊᑎᖓᓂᒡᓗ ᓇᒡᓕᒍᓱᒃᑐᑦ ᐃᓂᒋᔪᒫᕐᐹᑦ.
ᐱᔨᕕᑦ ᕿᑐᕐᖓᖏᑦ ᑲᔪᓯᑦᓮᓐᓇᕐᓂᐊᕐᐳᑦ; ᑭᖑᕚᖏᓪᓗ ᐊᐅᓚᖏᑦᑐᒦᓐᓂᐊᕐᐳᑦ ᐃᓕᖕᓂ.
ᐃᓱᐊᕐᑐᓪᓕ ᓄᓇ ᑭᖑᕐᖑᑎᔪᒫᕐᐹᑦ, ᐃᓂᒋᓗᒍᓗ ᐃᓱᖃᖏᑦᑐᒧᑦ.
ᑖᑦᓱᒪ ᓇᒡᓕᖕᓂᕐᒧᑦ ᐅᖓᒋᔭᕐᑖᕆᖕᒪᖓ, ᑍᒤᒻᒪᑦ ᓴᐳᑎᓂᐊᕐᐸᕋ; ᓴᐳᑎᓯᒪᓂᐊᓕᕐᐸᕋ, ᐅᕙᓐᓂᒃ ᖃᐅᔨᓯᒪᓕᕐᒪᑦ.
ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;
ᑭᖑᕚᖏᑦ ᐃᓅᖃᑎᒌᒡᔪᐊᓄᑦ ᖃᐅᔨᒪᔭᐅᑦᓯᐊᕈᒫᕐᐳᑦ, ᕿᑐᕐᖓᖏᓪᓗ ᐃᓅᖃᑎᖏᓐᓄᑦ ᐃᓚᒋᔭᐅᑦᓯᐊᕐᓗᑎᒃ; ᑖᒃᑯᓂᖓ ᑕᑯᔪᑦ ᖃᐅᔨᔪᒫᕐᐳᑦ ᐅᖃᕈᓐᓇᕐᓗᑎᒡᓗ ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓂᖏᓐᓂᒃ.
ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.
ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”
ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.
ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.
ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?
ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.
