33 ᐊᑕᓂᐅᒃ ᐊᔪᕐᓴᕐᑐᑦ ᑐᓵᖕᒪᒋᑦ, ᑎᒍᔭᐅᓯᒪᔪᖁᑎᓂᓗ ᓇᕐᕈᒋᓐᖏᓔᑦ.
ᐊᑕᓃᖅ, ᐱᐅᔪᕆᖏᑦᑐᑦ ᐱᔪᒪᔭᖏᑦ ᑐᓴᓚᐅᕐᐸᑎᑦ; ᐆᒻᒪᑎᖏᓪᓗ ᑲᔪᖏᕐᓴᕐᐸᑎᑦ, ᓂᓪᓕᐊᓂᖏᓪᓗ ᓈᓚᒍᒪᕙᑎᑦ.
ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.
ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;
ᑖᕐᑐᒥ ᐃᒃᓯᕙᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᕿᓚᒃᓱᕐᑕᐅᓯᒪᔪᑦ ᐋᓐᓂᐊᑎᑕᐅᓂᕐᒧᑦ ᓴᕕᕋᔭᖕᓄᓪᓗ;
“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”
ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.
ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.
ᐃᓚᒋᓗᖓ ᐊᑕᓂᖅ ᐊᖏᔪᕈᕐᑎᓯᐅᒃ, ᐊᑎᖓ ᐊᑕᐅᑦᓯᒃᑯᑦ ᐊᖏᔪᕈᕐᑎᓪᓚᕗᑦ.
ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.
ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.
ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.
ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;
“ᐊᑕᓂᖅ ᕿᓂᓕᕐᓯᐅᒃ ᐃᓅᓕᕐᓗᓯᓗ, ᔫᓯᐱᐅᑉ ᑭᖑᕚᖏᓐᓂᒃ ᐃᑯᐊᓪᓔᔪᑎᑐᑦ ᐱᖁᓇᒍ, ᐊᓯᕈᕐᑕᐅᓗᑎᒡᓗ, ᐱᑎᓕᓗ ᖃᒥᑕᐅᔪᓐᓇᕐᓂᐊᓐᖏᓚᖅ.
“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,
ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,
ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.
