ᐃᓐᖏᕈᑎᑦ 68:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.

ᐃᓐᖏᕈᑎᑦ 68:6 ပူးပေါင်းရင်းမြစ်များ

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 107:10

ᑖᕐᑐᒥ ᐃᒃᓯᕙᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᕿᓚᒃᓱᕐᑕᐅᓯᒪᔪᑦ ᐋᓐᓂᐊᑎᑕᐅᓂᕐᒧᑦ ᓴᕕᕋᔭᖕᓄᓪᓗ;

ᐃᓐᖏᕈᑎᑦ 107:14

ᑖᑦᓱᒪ ᐊᓂᑎᑉᐰᑦ ᑖᕐᑐᒥᑦ ᑐᖂᓪᓗ ᑕᕐᕋᓕᓂᖓᓂᑦ, ᓯᖁᒥᓪᓗᒋᓪᓗ ᕿᓚᒃᓯᒪᐅᑎᖏᑦ ᓯᖃᓪᓕᕔᑦ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 113:9

ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 146:7

ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.

ᐃᓐᖏᕈᑎᑦ 69:33

ᐊᑕᓂᐅᒃ ᐊᔪᕐᓴᕐᑐᑦ ᑐᓵᖕᒪᒋᑦ, ᑎᒍᔭᐅᓯᒪᔪᖁᑎᓂᓗ ᓇᕐᕈᒋᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:11

ᑍᒤᑦᑐᑦ ᓴᐳᑦᔨᔨᖓᑦ ᐊᔪᒐᖃᖏᑦᑑᖕᒪᑦ; ᐃᖅᑲᕐᑐᕐᑕᐅᑦᔪᑎᒃᓴᕐᓂᒃ ᐱᓇᓱᐊᕈᓐᓇᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᒪᓚᑬᑉ ᐊᒡᓚᖏᑦ 1:3

ᐄᓴ ᐆᒥᒋᓪᓗᒍ, ᖃᖅᑲᖁᑎᖓᓗ ᓱᓇᖃᕈᓐᓃᕐᑎᓚᐅᕐᐸᕋ ᑭᖑᕐᖑᑎᔭᒃᓴᖏᓪᓗ ᓱᓇᖃᔪᐃᑦᑐᒥ ᑐᓂᓚᐅᕐᐸᒃᑲ ᕿᒻᒥᖓᔪᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:26

ᑕᕝᕔᓐᓇᖅ ᓄᓇ ᓴᔪᒃᐱᓪᓚᒃᑐᐊᓘᕗᖅ, ᑎᒍᔭᐅᓯᒪᕕᐅᑉ ᑐᓐᖓᕕᖏᑦ ᐊᒡᓛᑦ ᐊᐅᓚᑦᔭᒃᓗᑎᒃ; ᒪᑐᓕᒫᖏ ᒪᑐᐃᕐᐳᑦ, ᐊᕐᓵᕐᑑᔧᑦ ᐊᑦᑐᖏᐅᑎᖏᑦ ᑎᒍᔭᐅᓯᒪᔪᓂᑦ ᐲᔭᕐᐳᑦ.

ᒐᓔᑎᐊᒥᐅᓄᑦ 4:27

ᐊᒡᓔᑦ ᑎᑎᕋᕐᓯᒪᖕᒪᑕ, “ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ; ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ; ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”

ᒨᓯᓯ ᑕᓪᓕᒪᖏᑦ 10:18

ᑲᒪᒋᔭᐅᑦᓯᐊᖁᔨᓪᓗᓂᓗ ᐋᖅᑭᒃᓯᓲᖑᕗᖅ ᐃᓕᐊᕐᔪᖕᓂᒃ ᐅᐃᒡᒐᕐᓂᕐᓂᒡᓗ; ᓄᓇᖃᕐᑐᑐᖃᐅᖏᑦᑐᓪᓗ ᓇᒡᓕᒋᕔᑦ ᐃᓅᖃᑎᑦᑎᓐᓄᑦ ᓄᓇᖅᑲᑎᒋᔭᐅᔪᑦ, ᓂᕿᒃᓴᖃᕐᑎᓪᓗᒋᑦ ᐊᓐᓄᕌᒃᓴᖃᕐᑎᑉᐰᑦ.

ᓴᒧᐃᓕ ᓯᕗᓪᓖᑦ 2:5

ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ, ᑳᒃᐸᓚᐅᕐᑐᑦ ᑳᒍᓐᓃᕐᐳᑦ. ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ, ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.