ᐃᓐᖏᕈᑎᑦ 68:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ!

ᐃᓐᖏᕈᑎᑦ 68:35 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᔫᐱᐅᑉ ᐊᒡᓚᖏᑦ 37:22

ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ, ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.

ᐃᓐᖏᕈᑎᑦ 29:1

ᐊᑕᓂᕐᒧᑦ ᑐᓂᓯᓕᕆᑦᓯ, ᕿᓚᖕᒥᐅᑕᐅᔪᓯ, ᐊᑕᓂᕐᒧᑦ ᑐᓂᓯᓕᕆᑦᓯ ᓂᕐᑐᕐᓇᕐᓂᖓᓂᒃ ᓴᓐᖏᓂᖓᓂᒡᓗ.

ᐃᓐᖏᕈᑎᑦ 29:11

ᐊᑕᓂᐅᑉ ᐃᓄᖁᑎᓂ ᑐᓂᓯᕕᒋᓂᐊᕐᐰᑦ ᓴᓐᖏᓂᕐᒥᒃ; ᐊᑕᓂᐅᓪᓗ ᐃᓄᖁᑎᓂ ᓮᒻᒪᕐᑎᓐᓂᐊᕐᐰᑦ ᓮᓕᓇᕐᑐᒥᒃ.

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᐃᓐᖏᕈᑎᑦ 47:2

ᐊᑕᓂᖅ ᖁᑦᓯᖕᓂᕐᐹᖑᔪᖅ ᐊᔪᖏᑦᑐᕐᔪᐊᖑᕗᖅ; ᐊᔪᖏᓐᓂᕐᐹᖑᓪᓗᓂ ᐊᖓᔪᖅᑳᔪᐊᖑᕗᖅ ᓄᓇᕐᔪᐊᓕᒫᒧᑦ.

ᐃᓐᖏᕈᑎᑦ 65:5

ᐱᓂᐊᕐᓂᕐᔪᐊᒃᑯᑦ ᑲᒪᓇᕐᑐᑎᒍᑦ ᐃᓱᐊᕐᑐᓕᓂᒃᑯᓪᓗ ᑭᐅᒐᑦᑎᒍᑦ, ᒎᑏ ᐱᐅᓕᔭᐅᕕᕗᑦ, ᓂᕆᐅᖕᓂᖃᕈᑎᒋᔭᐅᕗᑎᑦ ᓄᓇᕐᔪᐊᕐᒥᐅᓕᒫᓂᑦ, ᓄᓇᕐᔪᐊᑉ ᐃᓱᐊ ᑎᑭᓪᓗᒍ, ᐃᒪᕐᔪᐊᓪᓗ ᐅᖓᓯᖕᓂᕐᐹᖏᓐᓄᑦ;

ᐃᓐᖏᕈᑎᑦ 66:20

ᓂᕐᑐᕐᑕᐅᓕ ᒎᑎ, ᑐᒃᓯᐊᕐᓂᓐᓂᒃ ᓇᕐᕈᓚᐅᖏᒻᒪᑦ ᐲᕐᓯᓚᐅᕋᓂᓗ ᓇᒡᓕᖕᓂᕐᒥᓂᒃ ᓱᖁᓯᔪᐃᑦᑐᒥᒃ ᐅᕙᓐᓄᑦ.

ᐃᓐᖏᕈᑎᑦ 66:5

ᕾᒋᑦᓯ ᑕᑯᔭᕐᑐᕐᓗᓯ ᒎᑎᐅᒃ ᐱᓂᐊᕐᓯᒪᔭᖏᓐᓂᒃ; ᑲᒪᓇᕐᑐᐊᓗᖕᓂᒃ ᐱᓂᐊᕐᓯᒪᖕᒪᑦ ᐃᓄᖕᓄᑦ.

ᐃᓐᖏᕈᑎᑦ 76:12

ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ.

ᒨᓯᓯ ᐂᑉᐸᖏᑦ 15:1

ᑕᕝᕙ ᒨᓯᓯ ᐃᓴᕆᐊᓕᒥᐅᓪᓗ ᐆᒥᖓ ᐃᓐᖏᕈᑎᖃᓚᐅᕐᐳᑦ ᐊᑕᓂᕐᒧᑦ, ᐅᖃᕐᓗᑎᒃ, “ᐊᑕᓂᕐᒧᑦ ᐃᓐᖏᕐᓂᐊᕐᐳᖓ, ᓂᕐᑐᕐᓇᕐᑐᕐᔪᐊᒥᒃ ᐱᓂᐊᕐᓂᖃᓚᐅᕐᒪᑦ; ᕿᒻᒥᕐᔪᐊᑦ ᕿᒻᒥᕐᔪᐊᒥᓗ ᐃᑭᒪᔪᑦ ᐃᒪᕕᖕᒧᑦ ᐃᒋᓚᐅᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 40:29

ᐱᔪᓐᓇᕐᓂᕐᑖᕐᑎᑦᓯᕙᒃᑐᖅ ᓄᑮᕈᑎᔪᓂᒃ, ᐱᔪᓐᓇᕐᓂᖃᕈᓐᓃᕐᑐᓂᒡᓗ ᓄᑭᒃᑖᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 10:12

ᓄᑭᖃᕐᑎᑦᓱᒪᕙᒃᑲ ᐊᑕᓂᕐᒥ; ᐱᓱᒍᒫᕐᐳᑦ ᑖᑦᓱᒪ ᐊᑎᖓᓂ.” ᑍᒫᒃ ᐊᑕᓂᖅ ᐅᖃᕐᐳᖅ.

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᒨᓯᓯ ᑕᓪᓕᒪᖏᑦ 33:25

ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ, ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᑯᓘᓯᐊᒥᐅᓄᑦ 1:11

ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.