ᐃᓐᖏᕈᑎᑦ 68:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᐃᓐᖏᕈᑎᑦ 68:33 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐃᓐᖏᕈᑎᑦ 102:25

ᑍᑦᓱᒪᓂᐊᓗᒃ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᑦ, ᐊᒡᒐᒃᐱᓪᓗ ᕿᓔᑦ ᓴᓇᓚᐅᕐᐰᑦ.

ᐃᓐᖏᕈᑎᑦ 104:3

ᐃᒪᐅᑉ ᖄᖓᓂ ᐃᑳᖓᔪᓂᒃ ᑐᓐᖓᕕᓕᐅᕐᓯᒪᕗᖅ ᐃᓂᒃᓴᕆᔭᒥᓂᒃ, ᓄᕗᔧᑦ ᓴᓇᓚᐅᕐᐰᑦ ᐊᒃᓴᓗᐊᖃᕐᑎᓪᓗᒋᑦ ᕿᒧᒃᓯᐅᑎᒋᔪᒪᓪᓗᒋᑦ, ᐃᑭᒪᖃᑦᑕᕐᐳᖅ ᐊᓄᕆᐅᑉ ᐃᓴᕈᖏᓐᓂ,

ᐃᓐᖏᕈᑎᑦ 18:10

ᐱᓐᖑᕐᑎᓯᒪᔪᒥᓗ ᐃᓴᕈᓕᖕᒥ ᐃᑭᒪᕗᖅ, ᑎᖏᓪᓗᓂᓗ; ᐊᓄᕆᐅᑉ ᐃᓴᕈᖏᖕᓂᒃ ᖃᖓᑕᒍᑎᖃᕐᐳᖅ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 66:1

ᖁᕕᐊᓱᖕᓂᕐᒧᑦ ᕾᒐᓛᕆᑦᓯ ᒎᑎᒧᑦ, ᓄᓇᕐᔪᐊᕐᒥᐅᓕᒫᖑᔪᓯ!

ᐃᓐᖏᕈᑎᑦ 66:2

ᐃᓐᖏᕆᑦᓯ ᐊᑎᖓ ᐅᐱᒋᓗᒍ; ᓂᕐᑐᕐᓇᕐᓂᖓ ᑲᑦᔮᕐᓇᕐᑎᓯᐅᒃ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᐃᓐᖏᕈᑎᑦ 93:2

ᐃᒃᓯᕙᐅᑕᕐᔪᐊᑦ ᐋᖅᑭᒃᓯᒪᕗᖅ ᐃᑦᓴᕐᔪᐊᒥᑦ; ᐃᕝᕕᑦ ᐃᓱᖃᖏᑦᑐᒥᑦ ᐱᓯᒪᕗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᒨᓯᓯ ᑕᓪᓕᒪᖏᑦ 10:14

ᑕᑯᒋᑦ, ᐊᑕᓂᐅᑉ ᒎᑎᑦᓯ ᕿᓔᑦ ᖁᕝᕙᓯᖕᓂᕐᐹᕆᔭᖏᑦ ᐱᖁᑎᒋᕔᑦ; ᓄᓇᕐᔪᐊᕐᑕᐅᖅ ᐱᖁᑎᒋᕚ, ᑖᑦᓱᒪᓃᑦᑐᓕᒫᓪᓗ ᐱᖁᑎᒋᒋᕔᑦ.

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:12

ᓇᓚᐅᑦᑍᔫᒃ ᑐᓴᕐᐴᒃ ᐅᖃᐅᑦᔨᔨᒥᖕᓂᒃ ᕿᓚᖕᒥᑦ ᐱᔪᒥᒃ, ᐅᖃᕐᑐᒥᒃ, “ᒪᐅᖓ ᕾᒋᑦᑎᒃ!” ᐊᑭᕋᕐᑐᕐᑎᖏᓪᓗ ᑕᑯᓐᓇᕐᑎᓪᓗᒋᑦ ᓄᕗᔭᑎᒍᑦ ᕿᓚᖕᒧᑦ ᖁᒻᒧᐊᒃᐳᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.