3 ᒎᑏ, ᐃᓅᖃᑎᒌᒡᔪᐃᑦ ᓂᕐᑐᕐᓕᑎᑦ; ᐃᓄᓕᒫᓪᓗ ᓂᕐᑐᕐᓕᑎᑦ.
ᑕᕐᓂᕋ ᐃᓅᓕ, ᐃᓕᖕᓂᒃ ᓂᕐᑐᐃᔪᓐᓇᖁᓪᓗᖓ; ᐋᖅᑭᒃᓱᐃᓂᕐᓄᓪᓗ ᐃᑲᔪᕐᓗᖓ.
ᑎᒍᔭᐅᓯᒪᕕᖕᒥᑦ ᐊᓂᑎᓚᐅᓐᖓ, ᐊᑎᕐᓄᑦ ᖁᔭᓕᔪᓐᓇᖁᓪᓗᖓ! ᑕᕝᕙ ᐃᓱᐊᕐᑐᓄᑦ ᐊᕙᓗᔭᐅᓂᐊᕐᐳᖓ; ᐃᓛᒃ ᐱᑦᓯᐊᕐᕕᒋᓂᐊᕋᕕᖓ.
ᐊᑏᓪᓗ ᐃᖅᑲᐅᒪᔭᐅᑎᑦᓱᒪᕙᕋ ᑭᖑᕚᕆᓂ ᑕᒤᓐᓂ; ᑍᒤᒻᒪᑦ ᐃᓄᖕᓄᑦ ᓂᕐᑐᕐᑕᐅᔪᒫᕐᐳᑎᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
ᒎᑏ, ᐃᓄᐃᑦ ᓂᕐᑐᕐᓕᑎᑦ; ᐃᓄᓕᒫᑦ ᓂᕐᑐᕐᓕᑎᑦ.
ᓵᓚᒋᔭᐅᔪᑦ ᐅᖁᒤᒃᓴᕐᑎᑕᐅᓪᓗᑎᒃ ᑲᓐᖑᓱᒃᑎᑕᐅᑦᑍᓕᓕᑦ; ᐊᒃᓗᔪᑦ ᐊᔪᕐᓴᕐᑐᓪᓗ ᐊᑎᕐᓂᒃ ᓂᕐᑐᐃᓕᕐᓕᑦ.
ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”
ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.
