17 ᕾᒐᓛᕐᕕᒋᓚᐅᕐᐸᕋ ᖃᓂᓐᓄᑦ; ᐅᖃᓐᓄᓪᓗ ᓂᕐᑐᕐᓚᐅᕐᐸᕋ.
ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.
ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
ᖃᓄᕐᓕ ᐊᑕᓂᖅ ᐅᑎᕐᑎᑦᓯᕕᒋᔪᓐᓇᕐᐸᕌ? ᑕᒤᓐᓂᒃ ᐱᕙᓪᓕᐅᑎᒃᓴᓐᓄᑦ ᐱᓇᓱᐊᕐᓯᒪᓂᖓᓄᑦ?
ᐊᑕᓃᖅ ᐃᓕᖕᓄᑦ ᓂᓪᓕᐊᓚᐅᕐᐳᖓ; ᐊᑕᓂᕐᒧᓪᓗ ᕿᓄᓚᐅᕐᐳᖓ.
ᐊᖏᔪᕈᕐᑎᑦᓱᒪᕙᒋᑦ, ᐊᑕᓃᖅ, ᐅᓇᓐᖓᑦ ᖃᑭᑎᓯᒪᒐᕕᖓ, ᐆᒥᒋᔨᒃᑲᓗ ᐅᕙᓐᓂᒃ ᖁᕕᐊᓱᒍᑎᖃᕐᑎᖏᓐᓇᕕᒋᑦ.
“ᓱᓇᒥᒃ ᐱᕚᓪᓕᕋᔭᕐᐸᑦ ᑐᖁᑕᐅᒍᒪ? ᐃᑎᕐᓴᒧᓪᓘᓐᓃᑦ ᑲᑕᒃᑎᑕᐅᒍᒪ? ᓄᓇᒥ ᓴᓂᖅ ᓂᕐᑐᐃᒐᔭᕐᐹ ᐃᓕᖕᓂᒃ? ᓱᖁᓯᔪᐃᑦᑑᓂᕐᓂᒃ ᐅᖃᐅᓯᖃᕋᔭᕐᐹ?
