14 ᖃᓂᓐᓄᑦ ᓂᓪᓕᐊᑦᔪᑎᒋᓯᒪᔭᓐᓂᒃ ᐊᖏᕈᑎᒋᓚᐅᕐᑕᓐᓂᒡᓗ ᐅᖁᒤᑦᑐᒦᑎᓪᓗᖓ.
ᑕᕝᕙᓐᖓᑦ ᐊᐅᓪᓚᕐᓂᐊᓕᕋᑦᑕ ᐱᑎᓕᒧᓐᖓᐅᓗᑕ, ᑍᑲᓂ ᑐᓂᕐᕈᓯᕐᕕᓕᐅᕐᓂᐊᕋᒪ ᒎᑎᒧᑦ ᐅᕙᓐᓂᒃ ᑐᓴᓚᐅᕐᑐᒧᑦ ᐃᓱᒪᔮᕐᓇᕐᑐᒦᑎᓪᓗᖓ ᐅᕙᓐᓂᒡᓗ ᐃᓚᕾᓐᓇᖃᑦᑕᕐᑐᒧᑦ ᓇᒧᓐᖓᕋᓗᐊᕌᖓᒪ.”
ᐊᒃᓱᕈᕐᓇᕐᑐᒦᓕᕐᑎᓪᓗᖓ ᐊᑕᓂᕐᒧᑦ ᑐᒃᓯᐊᓚᐅᕐᐳᖓ; ᒎᑎᓐᓄᑦ ᑐᒃᓯᐊᓚᐅᕐᐳᖓ ᐃᑲᔪᕐᑕᐅᔪᒪᓪᓗᖓ. ᑐᒃᓯᐊᕐᕕᖁᑎᖕᒥᓂᑦ ᓂᐱᒐ ᑐᓴᓚᐅᕐᐹ; ᓈᓚᓚᐅᕐᐹᖓᓗ ᐃᑲᔪᕐᑕᐅᔪᒪᓂᕆᔭᓐᓂᒃ.
ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.
ᐅᐃᖓᑕᓕ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᒻᒪᕆᒃᐸᒍ, ᑕᕝᕙ ᐅᖃᐅᓯᕆᓯᒪᔭᓕᒫᖏᑦ ᓯᖁᒥᓐᓂᐊᕐᐰᑦ, ᐊᓯᑦᔨᕆᐊᖃᕐᓇᒋᑦ ᐅᖃᐅᓯᕆᓯᒪᔭᕋᓗᐊᖏᑦ, ᑲᔪᓯᓂᐊᓐᖏᓚᑦ; ᐅᐃᖓᑕ ᐊᑐᕈᓐᓁᕐᑎᒻᒪᒋᑦ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓁᕐᑎᓐᓂᐊᕐᐹ.
ᐊᖑᑦ ᐊᑕᓂᕐᒧᑦ ᐊᖏᕈᑎᖃᕐᐸᑦ, ᐊᓯᑦᔨᕆᐊᖃᓐᖏᑕᒥᓂᒃ, ᐅᖃᐅᓯᕆᔭᓂ ᓯᖁᒥᑦᓴᕆᐊᖃᓐᖏᓛ; ᐅᖃᐅᓯᕆᔭᓕᒫᖏᑦ ᖃᓂᖓᓂᑦ ᐊᓂᔪᑦ ᒪᓕᒋᐊᖃᕐᐰᑦ.
ᐅᐃᖓᑕᓕ ᓄᓕᐊᒥ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᑉᐸᒍ, ᐊᖏᕈᑎᖓ ᑕᕝᕙ ᓯᖁᒥᓐᓂᐊᕐᐹ ᐊᖏᖃᑎᒌᒍᑎ ᐅᖃᐅᓯᕆᓚᐅᕐᑕᖓ, ᒪᓕᒋᐊᖃᓪᓚᕆᒡᓗᒍ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓃᕐᑎᓐᓂᐊᕐᐹ.
ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”
