ᐃᓐᖏᕈᑎᑦ 65:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓄᓇᕐᔪᐊᖅ ᑕᑯᔭᕐᑐᕐᐸᑦ ᐃᒻᒥᕐᑐᕐᓗᒍᓗ, ᐊᖏᔪᒥᒡᓗ ᐊᔪᕐᓴᓐᖏᑎᕐᔪᐊᕐᓗᒍ; ᒎᑎᐅᑉ ᑰᖁᑎᖓ ᐃᒪᕐᒥᒃ ᑕᑕᑉᐳᖅ; ᓂᕿᒃᓴᖃᕐᑎᑦᓯᓪᓗᑎᓪᓗ, ᑕᒪᓐᓇ ᐅᐸᓗᖎᔭᕐᓯᒪᒐᕕᐅᒃ.

ᐃᓐᖏᕈᑎᑦ 65:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 26:12

ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᐃᓐᖏᕈᑎᑦ 107:37

ᐱᕈᕐᓰᕕᖕᓂ ᑲᓐᖓᕐᓱᐃᕗᑦ, ᕔᓂᓕᒃᓴᓂᒡᓗ ᑲᓐᖓᕐᓱᐃᓪᓗᑎᒃ, ᑲᑎᕐᓱᐃᔪᓐᓇᖁᓪᓗᒋᑦ ᐱᕈᕐᑐᓂᒃ ᖃᓄᐃᑦᑐᑐᐃᓐᓇᓕᒫᓂᒃ.

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐃᓐᖏᕈᑎᑦ 63:1

ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.

ᐃᓐᖏᕈᑎᑦ 65:11

ᐊᕐᕌᒍ ᓂᐊᖂᓯᕐᐸᑦ ᐱᑦᓯᐊᕐᓂᕐᓂᒃ, ᐊᒃᓴᓗᐊᓕᖕᒧᑦ ᐊᖅᑯᓵᕐᑕᑎᑦ ᑯᑐᒃᐳᑦ ᐊᒥᒐᕐᓯᖏᓐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 41:5

ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 5:24

ᐃᓱᒪᓇᓱᐊᓐᖏᓚᓪᓘᓐᓃᑦ ᐊᑕᓂᖅ ᒎᑎᑎᒃ ᓯᕘᕋᒋᔪᒪᓗᒍ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ ᓇᓪᓕᐅᑎᔭᕌᖓᑦ ᓯᓚᓗᒃᑎᑦᓯᕙᒃᑐᒥᒃ, ᐱᕈᕐᑐᓂᒡᓗ ᐱᕈᕇᕐᑎᑦᓯᕙᒃᑐᒥᒃ ᑲᑎᕐᓱᕐᑕᐅᕕᒃᓴᖏᓐᓂ ᑲᑎᕐᓱᕐᑕᐅᕙᖁᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:2

ᖁᕕᐊᓱᒃᐳᖓ ᑐᓴᕐᑕᐅᔭᕆᐊᖃᕋᓱᒋᒐᒃᑯ ᐃᓕᑦᓯᓐᓄᑦ ᑲᒪᓇᕐᑐᓂᒃ ᓇᓗᓁᒃᑯᑕᓂᒡᓗ ᒎᑎᐅᑉ ᖁᑦᓯᖕᓂᕐᐹᑉ ᐱᓂᐊᕐᓂᕆᓯᒪᔭᖏᓐᓂᒃ ᖃᐅᔨᑎᓪᓗᖓ.

ᒨᓯᓯ ᐱᖓᔪᖏᑦ 26:4

ᓯᓚ ᓯᓚᓗᒃᑎᖃᑦᑕᕐᓂᐊᕐᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᕐᑐᒥᓂᒃ ᓴᖅᑭᑎᑦᓯᖃᑕᕐᓂᐊᕐᐳᖅ ᓂᕿᒃᓴᓂᒃ ᓇᐹᕐᑐᓂᒡᓗ ᐸᐅᕐᖓᓕᖕᓂᒃ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 14:17

ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᕉᑎᐅᑉ ᐅᓂᒃᑲᐅᓯᓂᖓ 1:6

ᑕᒪᑐᒪ ᑭᖑᕐᖓᒍᑦ ᓁᐅᒥ ᑐᓴᕋᒥ ᐊᑕᓂᐅᑉ ᐃᓄᖁᑎᓂ ᓂᕿᒃᓴᖃᑦᓯᐊᕐᑎᓕᕐᒪᒋᑦ; ᑕᕝᕙ ᐊᐅᓪᓚᕈᒪᓕᕐᐳᖅ ᒧᐊᐱᒥᐅᑦ ᓄᓇᖓᓐᓂᑦ ᐅᑯᐊᖕᓂ ᒪᕐᕉᒃ ᐃᓚᒋᓗᒋᒃ.