6 ᖃᖅᑬᑦ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᓄᑦ, ᐊᔪᒐᖃᖏᓐᓂᕐᒥᒡᓗ ᐊᓐᓄᕌᕐᓯᒪᕗᑎᑦ.
ᓱᖁᓯᔪᐃᑦᑑᓃᑦ ᑭᖑᕚᕇᓕᒫᓄᑦ ᑐᕌᕐᐳᖅ; ᓄᓇᕐᔪᐊᖅ ᐋᖅᑭᓚᐅᕋᕕᐅᒃ, ᑕᕝᕙᓃᖏᓐᓇᓕᕐᐳᖅ ᓱᖁᓯᓚᐅᕋᓂ.
ᐃᒪᕐᔪᐃᑦ ᖄᖓᓂ ᑐᓐᖓᕕᒃᑖᕐᑎᓚᐅᕐᒪᒍ ᐃᓂᑖᕐᑎᓚᐅᕐᐹᓗ ᐃᖏᕐᕋᓂᕐᔪᐃᑦ ᖄᖏᓐᓄᑦ.
ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.
ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?
ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”
“ᑐᓴᕆᑦᓯ, ᐃᓕᑦᓯ ᖃᖅᑬᑦ, ᐊᑕᓂᐅᑉ ᓈᒻᒪᒃᓴᖏᑦᔪᑎᖓᓂᒃ, ᐃᓕᑦᓯᓗ ᓄᓇᕐᔪᐊᑉ ᑐᓐᖓᕕᖏᑦ ᓴᓐᖏᔪᑦ. ᐊᑕᓂᖅ ᓈᒻᒪᒃᓴᖏᑦᔪᑎᖃᕐᒪᑦ ᐃᓄᖁᑎᒥᓄᑦ, ᐊᑭᕋᕐᑐᕐᓂᐊᕐᓗᓂᓗ ᐃᓴᕆᐊᓕᒥᐅᓂᒃ.
ᓄᖅᑲᕐᒪᑦ, ᓄᓇᕐᔪᐊᖅ ᐊᐅᓚᓕᕐᐳᖅ; ᑕᑯᓴᕐᒪᑦ ᐃᓅᖃᑎᒌᒡᔪᐊᑦ ᓴᔪᓕᕐᐳᑦ. ᖃᖅᑬᑦ ᐃᓱᖃᖏᑦᑐᒥᑦ ᓯᐊᒻᒪᓕᕐᐳᑦ; ᐱᖑᐊᕐᔪᐃᓪᓗ ᓄᖑᓱᐃᑦᑐᑦ ᑭᕕᓕᕐᐳᑦ, ᑍᑦᓱᒪᓂᐊᓗᒃ ᑖᑦᓱᒪ ᐱᓱᒡᕕᒋᕙᓚᐅᕐᑕᖏᑦ.
ᐱᔪᓐᓇᕐᑐᕐᔪᐊᑦ ᐅᓇᑕᕐᑏᑦ ᖃᕐᔪᖏᑦ ᓯᖁᒥᑉᐳᑦ, ᓴᓐᖐᑦᑐᓪᓕ ᓴᓐᖏᒃᑎᑉᐳᑦ.
