9 ᐅᕙᓐᓂᒡᓕ ᑐᖁᑦᓯᔪᒪᓪᓗᑎᒃ ᕿᓂᕐᑐᑦ ᓄᓇᒧᑦ ᐊᒃᐸᓯᖕᓂᕐᓴᒧᑦ ᐂᔪᒫᕐᐳᑦ.
ᓄᓇᒧᑦ ᐃᔨᓚᐅᒃᑭᑦ ᐊᑕᖏᕐᓗᒋᑦ ᐊᑕᐅᑦᓯᒃᑯᑦ; ᑕᓕᑎᓪᓗᒋᑦ ᑮᓇᖏᑦ ᓄᓇᐅᑉ ᐊᑖᓄᑦ.
ᐊᖅᑯᑎᒐ ᐃᓱᐊᕐᓯᑎᑉᐸᑦ; ᐃᑎᒐᒃᑲ ᖁᐊᔭᕿᖁᓇᒋᑦ.
ᑲᓐᖑᓇᕐᑐᒦᓕᕐᓕᑦ ᐊᑕᐅᑦᓯᒃᑯᑦ ᓇᓗᓕᕐᓇᕐᑐᒦᓪᓗᑎᒃ ᐋᓐᓂᐊᓂᓐᓂᒃ ᖁᕕᐊᓱᒍᑎᖃᕐᑐᓕᒫᑦ; ᐊᓐᓄᕌᓯᒪᓕᕐᓕᑦ ᑲᓐᖑᓱᒃᑎᑕᐅᓂᕐᒥᒃ ᐅᐱᒋᔭᐅᖏᓐᓂᕐᒥᒡᓗ ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᐱᑦᔪᑎᒋᓪᓗᖓ.
ᑲᓐᖑᓱᒃᑎᑕᐅᓕᕐᓕᑦ ᐅᐱᓐᓇᕈᓐᓃᕐᓗᑎᒡᓗ ᐅᕙᓐᓂᒃ ᑐᖁᑦᓯᔪᒪᔪᑦ; ᐅᑎᒧᑦ ᓵᑎᑕᐅᓕᑦ, ᓇᓗᓕᕐᑎᑕᐅᓗᑎᒡᓗ ᐅᕙᓐᓂᒃ ᐋᓐᓂᕐᓯᓇᓱᐊᕐᑐᑦ.
ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ; ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.
ᑲᓐᖑᓱᒃᑎᓚᐅᒃᑭᑦ ᓇᓗᓕᕐᓇᕐᑐᒧᓪᓗ ᑎᑭᑎᑎᓪᓗᒋᑦ ᐃᓅᓯᓐᓂᒃ ᐊᓯᕈᐃᔪᒪᔪᑦ; ᐅᑎᕆᐊᕐᑎᓪᓗᒋᓪᓗ ᓇᕐᕈᒋᔭᐅᓇᕐᑐᒧᑦ ᑎᑭᓪᓗᑎᒃ. ᐅᕙᓐᓂᑦ ᐱᐅᖏᑦᑐᒥᒃ ᐱᖁᔨᔪᑦ.
ᑐᖁᒧᑦ ᑕᕝᕔᓐᓇᖅ ᑎᒍᔭᐅᓕᑦ; ᑐᖁᖓᔪᑦ ᐃᓂᖓᓄᑦ ᐂᓕᕐᓕᑦ, ᐱᐅᖏᑦᑐᓕᓂᐅᑉ ᐃᓂᒋᖕᒪᒋᑦ.
ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.
ᑲᓐᖑᓇᕐᑐᒦᓪᓕᑦ ᓇᕐᕈᓇᕐᓯᓗᑎᒡᓗ ᐃᓅᓯᓐᓂᒃ ᑐᖁᑦᓯᔪᒪᔪᑦ! ᐅᑎᕆᐊᓕᕐᓕᑦ ᓇᓗᓕᕐᓗᑎᒡᓗ ᐅᕙᓐᓂᒃ ᐋᓂᐊᑎᑦᓯᔪᒪᔪᑦ.
ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.
ᐱᐅᖏᑦᑐᓕᔪᑦ ᓵᑎᑕᐅᔪᒫᕐᐳᑦ ᑲᑉᐱᐊᓇᕐᑐᕕᖕᒧᑦ, ᑕᒪᕐᒥᓕᒫᕐᓗ ᐃᓅᖃᑎᒌᒡᔪᐊᑦ ᒎᑎᒥᒃ ᐳᐃᒍᕐᑐᑦ.
ᑭᓇᐅᓇ ᐃᓄᖃᖏᑦᑐᒥᑦ ᕾᔪᖅ? ᓇᒡᓕᒋᔭᒥᓂᒃ ᐃᕿᒻᒥᓪᓗᓂ. ᑐᐹᓚᐅᕐᐸᒋᑦ ᓇᐹᕐᑑᑉ ᐋᐳᓂᒃ ᐸᐅᕐᖓᓕᐅᑉ ᐊᑖᓂ. ᑍᑲᓂ ᐊᓈᓇᕕᑦ ᓇᑦᔨᐊᕆᓕᕐᑕᕕᓂᕆᕚᑎᑦ, ᑍᑲᓂᓗ ᐃᕐᓂᐊᕆᔭᕕᓂᕆᕚᑎᑦ.
ᑲᑕᒃᑎᑕᐅᓯᒪᕗᑎᓪᓕ ᑐᖁᖓᔪᑦ ᐃᓂᖓᓐᓄᑦ, ᐃᑎᕐᓵᓘᑉ ᐃᑎᓂᕐᐹᖓᓄᑦ.
ᐃᕝᕕᓪᓕ ᐊᓂᑕᐅᑐᐃᓐᓇᕐᓯᒪᕗᑎᑦ, ᐃᓗᕕᕐᓯᒪᓇᒡᓘᓐᓃᑦ, ᑎᒥᕕᓃᑦ ᑕᒫᓂᑐᐃᓐᓈᕐᑐᖅ ᓇᖁᔭᕐᓇᕐᐳᖅ, ᐅᓇᑕᕐᑐᓂ ᑐᖁᑕᐅᔪᕕᓃᑦ ᐊᓐᓄᕌᕕᓂᖏᑎᑐᑦ, ᓴᕕᒡᔪᐊᒧᑦ ᑲᐱᔭᐅᓯᒪᔪᑎᑐᑦ, ᐃᑎᕐᓵᓘᑉ ᐅᔭᕋᖏᓐᓄᑦ ᐃᒋᑕᐅᑐᐃᓐᓇᖃᑕᐅᓯᒪᒐᒥ, ᑎᒥᕕᓂᕐᑐᑦ ᑐᓪᓕᕋᕐᑕᐅᑐᐃᓐᓇᕐᑐᑎᑐᑦ.
“ᑐᖁᖓᔪᑦ ᓇᔪᒐᖓ ᐅᓇᓃᑦᑐᖅ ᐸᕐᓇᓕᕐᐳᖅ ᐃᓕᖕᓂᒃ ᐸᕐᕆᐊᕈᒪᓪᓗᓂ ᕾᓕᕈᕕᑦ, ᑐᖁᖓᔪᑦ ᑕᕐᓂᖏᑦ ᑐᐹᕐᓴᓕᕐᐰᑦ, ᐊᖓᔪᖅᑳᕐᔪᐊᕕᓃᑦ ᓄᓇᕐᔪᐊᕐᒥ; ᐃᒃᓯᕙᐅᑕᕐᔪᐊᒥᖕᓂᑦ ᓂᑯᕕᐅᖅᑲᓕᕐᐳᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᕐᔪᐊᕕᓂᖏᑦ.
ᐃᓇᖏᐅᑎᓂᐊᕐᑐᒥᒃ ᑕᒪᑐᒧᖓ ᐱᓇᓱᐊᕐᓂᕐᒧᑦ ᐋᐴᓯᑕᓕᐅᓂᕐᒧᑦ ᔫᑕᓯᐅᑉ ᕿᒪᓚᐅᕐᑕᖓᓄᑦ, ᑖᓐᓇ ᓇᖕᒥᓂᖅ ᐂᕕᒋᓂᐊᕐᑕᒥᓄᑦ ᐂᓯᒪᓕᕐᒪᑦ.”
ᐅᓇᑕᕆᐊᕐᑕᐅᒍᕕᑦ ᑐᖁᑕᐅᓇᓱᐊᕐᓗᑎᑦ, ᐊᑕᓂᐅᑉ ᒎᑎᕕᑦ ᓴᐳᑎᔪᒫᕐᐹᑎᑦ, ᐊᖑᑎᑐᑦ ᐱᓐᓇᕆᔭᒥᓂᒃ ᓴᐳᓐᓂᐊᕐᑐᑎᑐᑦ, ᐊᑭᕋᑎᓪᓕ ᐃᒋᑕᐅᔪᒫᕐᐳᑦ, ᐊᖑᑎᑐᑦ ᐃᓪᓘᒥᓄᑦ ᐃᓪᓘᕆᐊᕐᑐᑎᑐᑦ.
ᓱᓕᓗ ᐃᕝᕕᑦ ᐃᓴᕆᐊᓕᒥᐅᓪᓗ ᑐᓂᓂᐊᕐᐰᑦ ᐱᓕᔅᑍᓂᒥᐅᓄᑦ; ᖃᐅᒃᐸᓪᓗ ᐃᕐᓂᑎᓪᓗ ᐃᓚᒋᓕᕐᓂᐊᕐᐸᑦᓯᓐᖓ; ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᕐᑐᓴᖏᑦ ᑐᓂᓂᐊᕐᐰᑦ ᐱᓕᔅᑍᓂᒥᐅᓄᑦ.”
