3 ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᓂᕐᓴᐅᖕᒪᑦ ᐃᓅᓯᕐᒥᑦ, ᖃᓂᕐᒪ ᓂᕐᑐᕐᓂᐊᕐᐹᑎᑦ.
ᐊᑕᓃᖅ, ᑐᓴᓚᐅᓐᖓ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᔫᖕᒪᑦ; ᓵᕝᕕᖏᓚᐅᓐᖓ ᓂᑲᒍᓱᖕᓂᕐᔪᐊᑦ ᒪᓕᒡᓗᒍ.
ᐊᑕᓃᖅ, ᖃᕐᖓᓯᓈᕋ ᐂᑦᑕᕐᑎᒍᒃ, ᖃᓂᕐᒪᓗ ᑕᕝᕙ ᓂᕐᑐᕐᓇᕐᓃᑦ ᓇᓗᓁᕐᓂᐊᕐᐹ.
ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;
ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.
ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.
ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.
ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.
ᐃᓄᑐᐃᓐᓇᕐᑎᑐᑦ ᐅᖃᕐᐳᖓ, ᓴᓐᖐᑦᑑᓂᓯ ᐱᑦᔪᑎᒋᓪᓗᒍ. ᐊᕙᑎᓯ ᑐᓂᓯᒪᓚᐅᕋᑦᓯᒋᒃ ᓴᓗᒪᖏᑦᑐᒧᑦ ᐊᔪᕐᑐᓕᓂᕐᒥᒡᓗ ᐊᖏᓕᕙᓪᓕᐊᑎᑦᓯᓪᓗᓯ ᐱᓇᓱᐊᕐᓂᑦᓯᓐᓄᑦ, ᒫᓐᓇᓕ ᐊᕙᑎᓯ ᑐᓂᓕᕐᓯᒋᒃ ᐃᓗᐊᕐᑐᓕᓂᕐᒧᑦ ᐃᑦᔪᕐᓁᑎᑕᐅᖁᓪᓗᒋᑦ.
ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.
ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.
ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.
ᕾᒐᓛᕐᕕᒋᓚᐅᕐᐸᕋ ᖃᓂᓐᓄᑦ; ᐅᖃᓐᓄᓪᓗ ᓂᕐᑐᕐᓚᐅᕐᐸᕋ.
ᑐᓂᓯᕕᒋᒐᕕᐅᒃ ᓮᒻᒪᕐᑎᑕᐅᓂᕐᓂᒃ ᐃᓱᖃᖏᑦᑐᒧᑦ; ᐊᒃᓱᒻᒪᕆᐊᓗᒃ ᖁᕕᐊᓱᒃᑎᑉᐸᑦ ᓇᔫᑎᓂᕐᓄᑦ.
ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?” ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ.
ᒨᓯᓯᓕ ᐅᖃᕐᐳᖅ, “ᑐᒃᓯᐊᕐᐳᖓ, ᓇᔫᑎᓂᕕᑦ ᖃᐅᒪᓂᕐᔪᐊᖓᓂᒃ ᑕᑯᑎᓚᐅᓐᖓ.”
ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?
ᐃᓐᖏᕐᑏᑦ ᓯᕗᓪᓕᐅᕗᑦ, ᓂᑦᔭᐅᓯᔭᕐᑏᑦ ᑭᖑᓪᓕᐅᓪᓗᑎᒃ; ᐊᕐᓁᓪᓗ ᑖᒃᑯᐊ ᐊᑯᓐᓂᖓᓐᓂ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᕗᑦ.
ᓂᕐᑐᕐᓇᕐᓂᖅ ᐊᖓᔪᖅᑳᕐᔪᐊᖑᓂᕐᓗ ᑖᑦᓱᒪᓃᑉᐳᑦ; ᓴᓐᖏᓂᖅ ᐃᓂᖁᓇᕐᓂᕐᓗ ᑖᑦᓱᒪ ᐃᑦᔪᕐᓁᑦᑐᕕᖁᑎᖓᓃᑉᐳᑦ.
