2 ᐃᑦᔪᕐᓁᑦᑐᕕᖕᒥ ᕿᓂᓚᐅᕐᐸᒋᑦ, ᐊᔪᒐᖃᖏᓐᓃᑦ ᐱᓇᕐᓇᕐᓃᓪᓗ ᑕᑯᔪᒪᓪᓗᒋᒃ.
ᐊᑕᓂᖅ ᕿᓂᕐᓯᐅᒃ ᓲᖑᓂᖓᓗ ᕿᓂᕐᓗᒍ, ᑖᑦᓱᒪ ᓇᔫᑎᓂᖓ ᓄᖅᑲᔪᐃᓪᓗᓯ ᕿᓃᓐᓇᕐᓯᐅᒃ!
ᐊᑕᓂᖅ ᓲᖑᓂᖓᓗ ᕿᓂᕐᓯᐅᒃ, ᑖᑦᓱᒪ ᓇᔫᑎᓂᖓ ᑍᒪᓐᖓᑦ ᕿᓃᓐᓇᕐᓯᐅᒃ!
ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!
ᐊᑕᓂᐅᕕᒃᐱᑦ ᓂᕐᑐᕐᓇᕐᓂᖓ ᐅᖃᐅᓯᕆᔪᒫᕐᐹᑦ, ᐱᔪᓐᓇᕐᓃᓪᓗ ᐅᖃᐅᑎᒋᓗᒍ,
ᐊᑕᐅᓯᖅ ᕿᓄᐊᕆᕙᕋ ᐊᑕᓂᕐᒥᑦ, ᕿᓂᕐᓗᒍᓗ ᓇᓂᔪᒪᓪᓗᒍ; ᐊᑕᓂᐅᑉ ᐃᒡᓗᖓᓂ ᐃᓂᖃᕈᒪᓪᓗᖓ, ᐃᓅᓯᕐᒪ ᐅᓪᓗᖃᕐᓂᖓᓂ.
ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ, ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”
ᑕᕝᕙ ᐂᓂᐊᕐᐳᖓ ᒎᑎᐅᑉ ᑐᓂᕐᕈᓯᕐᕕᖁᑎᖓᓄᑦ, ᒎᑎᓐᓄᑦ ᖁᕕᐊᒋᕐᔪᐊᕐᑕᓐᓄᑦ; ᕼᐋᕐᐱᒧᓪᓗ ᓂᕐᑐᕈᒪᕙᒋᑦ, ᒎᑏ, ᒎᑎᒐ.
ᐱᐅᖏᑦᑐᓕᓂᕐᒥᒃ ᖁᕕᐊᒋᔭᖃᕐᓗᑎᑦ ᒎᑎᐅᖏᓐᓇᕕᑦ. ᐱᐅᖏᑦᑐᓕᔪᕐᓗ ᐃᓕᖕᓂ ᐃᓂᖃᕐᓂᐊᓐᖏᓚᖅ.
ᑭᖑᓕᕇᒃᑐᖁᑎᑎᑦ ᕾᓕᕐᑐᑦ ᑕᑯᒃᓴᐅᓕᕐᐳᑦ, ᒎᑏ, ᒎᑎᒪ ᐊᖓᔪᖅᑳᕐᔪᐊᒪᓗ ᑭᖑᓕᕇᒃᑐᖁᑎᖏᑦ ᐃᑦᔪᕐᓁᑦᑐᕕᖕᒧᑦ ᐂᓕᕐᐳᑦ.
ᓴᓐᖏᓂᕐᒥᓄᑦ ᑎᒍᔭᐅᓯᒪᕕᖕᒧᑦ ᐊᐅᓪᓚᕈᑦᔭᐅᑎᓚᐅᕐᐰᑦ, ᐱᓐᓇᕐᓇᕐᓂᖓᑕᓗ ᓇᓗᓁᒃᑯᑕᖓ ᐊᑭᕋᖏᓐᓄᐊᕐᑕᐅᑎᓪᓗᒍ.
ᓂᕐᑐᕐᓇᕐᓂᖅ ᐊᖓᔪᖅᑳᕐᔪᐊᖑᓂᕐᓗ ᑖᑦᓱᒪᓃᑉᐳᑦ; ᓴᓐᖏᓂᖅ ᐃᓂᖁᓇᕐᓂᕐᓗ ᑖᑦᓱᒪ ᐃᑦᔪᕐᓁᑦᑐᕕᖁᑎᖓᓃᑉᐳᑦ.
ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.
ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”
