ᐃᓐᖏᕈᑎᑦ 62:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖃᓄᖅ ᐊᑯᓂᐅᑎᒋᔪᖅ ᐃᓄᖕᒥᒃ ᐊᑭᕋᕐᑐᕐᓂᐊᕐᐱᓰ? ᑕᒪᑦᓯ ᑐᖁᑕᐅᔪᒫᕐᐳᓯ, ᐊᕙᓗᕐᔪᐊᑐᑦ ᐅᕐᕈᓕᒑᔪᑐᑦ, ᓮᒍᑎᑐᓪᓗ ᐊᐅᓚᔪᑐᑦ.

ᐃᓐᖏᕈᑎᑦ 62:3 ပူးပေါင်းရင်းမြစ်များ

ᐃᓐᖏᕈᑎᑦ 125:1

ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 140:2

ᑖᒃᑯᐊ ᐱᑦᓯᐊᖏᓐᓂᕐᒥᒃ ᐸᕐᓇᒐᓱᐊᕐᐳᑦ ᐃᓱᒪᒥᒃᑎᒍᑦ, ᑍᒪᓐᖓᓪᓗ ᐅᓇᑕᕐᓂᕐᒥᒃ ᐊᐅᓚᑦᔧᖃᑦᑕᕐᓗᑎᒃ.

ᐃᓐᖏᕈᑎᑦ 16:8

ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.

ᐃᓐᖏᕈᑎᑦ 18:3

ᐊᑕᓂᖅ ᓂᓪᓕᐊᕕᒋᔪᒪᕙᕋ, ᑖᓐᓇ ᓂᕐᑐᕐᑕᐅᔪᒃᓴᑐᐊᖅ; ᓴᐳᑎᔭᐅᓂᐊᕐᐳᖓ ᐊᑭᕋᕐᑐᕐᑎᓐᓂᑦ.

ᐃᓐᖏᕈᑎᑦ 21:11

ᐃᓱᒪᓕᐅᖃᑎᒌᓚᐅᕐᒪᑕ ᐱᐅᖏᑦᑐᒥᒃ ᐱᓂᐊᕈᒪᓪᓗᑎᒃ ᐃᓕᖕᓄᑦ; ᐃᓱᒪᓕᐅᖃᑎᒌᓯᒪᕗᑦ ᑲᔪᓯᑎᑦᓱᓐᓇᓐᖏᑕᒥᖕᓂᒃ.

ᐃᓐᖏᕈᑎᑦ 38:12

ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ; ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.

ᐃᓐᖏᕈᑎᑦ 4:2

ᐃᓄᐃᑦ ᕿᑐᕐᖓᖏᑦ ᖃᓄᖅ ᐊᑯᓂᐅᑎᒋᔪᒥᒃ, ᓂᕐᑐᕐᑕᐅᔪᒃᓴᐅᓂᕋ ᑲᓐᖑᓇᕐᑎᓐᓂᐊᕐᐱᓯᐅᒃ? ᖃᓄᖅ ᐊᑯᓂᐅᑎᒋᔪᒥᒃ ᐊᑐᖏᑦᑐᓂᒃ ᐅᖓᒋᔭᖃᕐᓂᐊᕐᐱᓰ? ᓱᓕᖏᑦᑐᓂᒡᓗ ᒎᑎᐅᖏᑦᑐᓂᒃ ᕿᓂᕐᓂᐊᕐᐱᓰ? ᓰᓚ

ᐃᓐᖏᕈᑎᑦ 82:2

ᖃᓄᖅ ᐊᑯᓂᐅᑎᒋᔪᖅ ᓈᒻᒪᓈᖏᑦᑐᒥᒃ ᐋᖅᑭᒃᓱᐃᖃᑦᑕᕐᓂᐊᕐᐲᑦ? ᐱᐅᖏᑦᑐᓪᓗ ᐱᑦᓯᐊᕐᓂᕐᓴᕆᓗᒋᑦ ᐊᓯᖏᓐᓂᑦ? ᓰᓚ

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 16:28

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᓄᖅ ᐊᑯᓂᐅᑎᒋᔪᖅ ᐱᖁᔭᓐᓂᒃ ᒪᓕᒃᑍᓕᒪᓂᐊᕐᐱᓰ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:9

ᖃᓄᑎᒋ ᓇᓚᕈᑐᐃᓐᓇᕐᓂᐊᕐᐲᑦ, ᐃᕿᐊᓱᒃᑏ? ᖃᖓᓖᓐᓈ ᒪᑭᓪᓗᑎᑦ ᓯᓂᑐᐃᓐᓇᕈᓐᓃᕐᓂᐊᕐᐱᑦ?

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᕼᐆᓯᐊᑉ ᐊᒡᓚᖏᑦ 7:15

ᐱᔭᕆᐅᕐᓴᕐᑎᓚᐅᕋᓗᐊᕐᐸᒃᑲ ᓲᖑᓯᑎᓪᓗᒋᓪᓗ, ᐅᕙᓐᓄᓪᓕ ᐱᐅᖏᑦᑐᒥᒃ ᐊᑭᕋᕐᑐᓕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:9

ᔫᑎᑦ ᑕᒪᑐᒥᖓ ᐸᓯᒃᓯᕈᑎᒋᔭᒥᖕᓂᒃ ᐊᖏᖃᑎᒌᒃᓗᑎᒃ ᓱᓕᓂᕅᕗᑦ.

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.