ᐃᓐᖏᕈᑎᑦ 62:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᐃᓐᖏᕈᑎᑦ 62:10 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:19

ᐊᒃᓱᔪᓂᒃ ᐅᖁᒤᒃᓴᕐᑎᑦᓯᓚᐅᕐᒪᑦ ᑲᒪᒋᔪᒪᓇᓂᒋᓪᓗ, ᐃᒡᓗᒥᒡᓗ ᐊᕐᓵᕐᓯᓪᓗᓂ ᐃᒡᓗᖃᓕᓚᐅᕐᐳᖅ ᓴᓇᓚᐅᓐᖏᑕᒥᓂᒃ.

ᔫᐱᐅᑉ ᐊᒡᓚᖏᑦ 20:29

ᑕᕝᕙ ᐱᐅᖏᑦᑐᓕᔪᖅ ᐃᓄᒃ ᑍᒫᒃ ᒎᑎᒧᑦ ᐱᓇᓱᐊᕐᕕᐅᔪᒫᕐᐳᖅ, ᑭᖑᕐᖑᑎᔭᒃᓴᖃᕐᑎᑕᐅᓗᓂᓗ ᑍᒤᑦᑐᒥᒃ ᒎᑎᒥᑦ ᐱᔪᒥᒃ.”

ᐃᓐᖏᕈᑎᑦ 39:6

ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᐃᓐᖏᕈᑎᑦ 4:3

ᖃᐅᔨᓕᕆᑦᓯ ᐊᑕᓂᐅᑉ, ᒎᑎᖃᕐᑐᑦ ᐃᒻᒥᓄᑦ ᐱᒋᔪᒪᓪᓗᒋᑦ ᓴᓂᕐᕙᒃᑎᑉᐰᑦ; ᐊᑕᓂᐅᓪᓗ ᑐᓴᕐᓂᐊᕐᐹᖓ ᓂᓪᓕᐊᕕᒋᒍᒃᑯ.

ᐃᓐᖏᕈᑎᑦ 49:6

ᐊᔪᕐᓴᖏᓐᓂᕐᒥᖕᓂᒃ ᑕᑎᖃᕐᑐᑦ ᐃᓄᒋᐊᒃᑐᓂᓗ ᐊᒃᓗᐃᓐᓂᕐᒥᖕᓂᒃ ᐱᐅᔪᕆᑦᔪᑎᖃᕐᑐᑦ.

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓐᖏᕈᑎᑦ 91:14

ᑖᑦᓱᒪ ᓇᒡᓕᖕᓂᕐᒧᑦ ᐅᖓᒋᔭᕐᑖᕆᖕᒪᖓ, ᑍᒤᒻᒪᑦ ᓴᐳᑎᓂᐊᕐᐸᕋ; ᓴᐳᑎᓯᒪᓂᐊᓕᕐᐸᕋ, ᐅᕙᓐᓂᒃ ᖃᐅᔨᓯᒪᓕᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:5

ᐊᒃᓱᐃᓕᕐᓂᖅ ᐃᔨᖕᓄᑦ ᑕᑯᒐᕕᐅᒃ, ᑕᕝᕔᓐᓇᖅ ᐊᓯᐅᕗᖅ; ᐊᒃᓱᐃᓐᓂᖅ ᐃᓴᕈᖃᕐᑐᑎᑐᑦ ᑎᖏᔪᑐᑦ ᑍᒤᒻᒪᑦ; ᓇᒃᑐᕋᓕᒃᑐᑦ ᕿᓚᖕᒧᑦ ᑎᖏᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 30:12

ᑍᒤᒻᒪᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒫᒃ ᐅᖃᕐᐳᖅ, “ᐅᖃᐅᓯᕆᔭᒃᑲ ᓈᓚᒍᒪᖏᓐᓇᑦᓯᐅᒃ, ᐅᖁᒤᒃᓴᕐᑎᑕᐅᓂᕐᒥᒃ ᑕᑎᖃᕈᒪᓪᓗᓯ ᖃᓄᐃᕈᓘᔭᕐᓇᕐᑐᓂᒡᓗ, ᒪᓕᖔᕈᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 40:15

ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:17

ᐃᓅᖃᑎᒌᒡᔪᐊᑦ ᑲᑎᓪᓗᒋᑦ ᓱᓇᐅᖏᒻᒪᑕ ᑖᑦᓱᒪ ᓵᖓᓂ, ᐃᓱᒪᒋᕔᓪᓗ ᓱᓇᐅᖏᑦᑐᒥᑦ ᒥᑭᓐᓂᕐᓴᐅᔪᓂᒃ ᓱᓇᖃᖏᑦᑐᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 61:8

ᐅᕙᖓ ᐊᑕᓂᖅ ᖁᕕᐊᒋᔭᖃᕋᒪ ᐊᑦᔨᒌᒃᑎᑦᓯᓂᕐᒥᒃ, ᐆᒥᓱᒡᓗᖓᓗ ᑎᒡᓕᒐᕐᓂᕐᒥᒃ ᓈᒻᒪᖏᑦᑐᓕᓂᕐᒥᒡᓗ; ᓱᕐᕋᔪᐃᑦᑑᓂᓐᓄᑦ ᐱᔭᕆᐊᖃᕐᑕᖏᓐᓂᒃ ᐊᑭᓕᕈᒫᕐᐸᒃᑲ, ᐊᖏᖃᑎᒌᒍᑎᓕᐅᕐᓗᖓᓗ ᑖᒃᑯᓄᖓ ᐃᓱᖃᖏᑦᑐᒧᑦ ᑐᕌᖓᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 13:25

ᑖᒃᑯᐊ ᑕᕝᕙ ᓄᓇᖁᑎᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓯᒪᔪᑦ, ᐃᓕᑦᓯᓐᓄᑦ ᐱᔭᐅᖁᓪᓗᒋᑦ ᓇᓗᓁᕐᓯᒪᔭᒃᑲ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᐳᐃᒍᓚᐅᕋᑦᓯ ᑕᑎᖃᓕᕐᓗᓯᓗ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:11

ᐊᕿᒡᒋᐅᔭᑎᑐᑦ ᒪᓐᓂᒋᓐᖏᑕᒥᓂᒃ ᐃᕙᓕᕐᑐᑎᑐᑦ, ᐊᖑᑦ ᓈᒻᒪᓈᖏᑦᑐᒃᑯᑦ ᐊᒃᓱᐃᓕᓯᒪᔪᖅ ᑍᒤᑦᑑᕗᖅ, ᐃᓅᓯᖓᑕ ᐃᓚᖓᓂ ᐊᓯᐅᔨᔪᒫᕐᐳᖅ, ᐃᓅᓯᐊᑕᓗ ᐃᓱᐊᓂ ᓯᓔᑦᑑᓂᖓ ᓇᓗᓇᕈᓐᓃᕈᒫᕐᐳᖅ.

ᒫᑯᓯᐅᑉ ᐊᒡᓚᖏᑦ 10:23

ᔩᓱᓯ ᕿᕕᐊᕐᓗᓂ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐊᔪᕐᓴᖏᑦᑐᓄᑦ ᐱᔭᕐᓂᖏᑦᑑᓂᐊᕐᐳᖅ ᒎᑎᐅᑉ ᐊᑕᓂᐅᕕᖓᓄᑦ ᐃᓯᕆᐊᒃᓴᖅ!”

ᑎᒧᑎᒧᑦ ᓯᕗᓪᓖᑦ 6:10

ᑮᓇᐅᔭᖃᕈᒪᓗᐊᕐᓂᖅ ᐱᐅᖏᑦᑐᓄᑦ ᖃᓄᐃᑦᑐᑐᐃᓇᕐᓄᑦ ᐱᒋᐊᕐᕕᐅᖕᒪᑦ; ᑕᒪᓐᓇ ᐱᔪᒪᓗᐊᕐᓂᖅ ᐃᓚᖏᑕ ᐊᑐᓚᐅᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᓯᒪᕗᑦ ᕿᒃᓵᖕᓇᕐᑐᓄᓪᓗ ᐅᓄᕐᑐᓄᑦ ᐃᒻᒥᖕᓂᒃ ᑎᑭᑎᓯᒪᓕᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.