ᐃᓐᖏᕈᑎᑦ 60:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓄᓇ ᓴᔪᒃᐱᓗᒃᑎᓚᐅᕐᐸᑦ, ᓱᕋᒃᑎᕐᓗᒍᓗ; ᓯᖁᒥᓯᒪᓂᖏᑦ ᐋᖅᑭᒃᓱᓚᐅᒃᑭᑦ, ᓴᔪᒃᑐᐊᓘᓕᕐᒪᑦ.

ᐃᓐᖏᕈᑎᑦ 60:2 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:8

ᑕᕝᕙ ᓄᓇ ᓴᔪᓕᕐᐳᖅ ᓴᔪᒃᐱᓪᓚᒡᓗᓂᓗ; ᕿᓚᐅᓪᓗ ᑐᓐᖓᕕᖓ ᐊᐅᓚᑦᔭᓚᐅᕐᐳᖅ ᓴᔪᓕᕐᓗᓂᓗ, ᒎᑎ ᓂᓐᖓᓚᐅᕐᒪᑦ.

ᓴᒧᐃᓕ ᐂᑉᐸᖏᑦ 8:1

ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᑍᕕᑎ ᐅᓇᑕᕆᐊᕋᒥ ᐱᓕᔅᑍᓂᒥᐅᑦ ᓵᓚᒋᕔᑦ, ᓄᓇᓗ ᒥᑎᒋ-ᐊᒪ ᓄᓇᑖᕆᕚ ᐱᓕᔅᑍᓂᒥᐅᓂᑦ ᐊᕐᓵᕐᓯᑦᔪᑎᒋᓪᓗᓂᐅᒃ.

ᑯᕉᓂᑲ ᓯᕗᓪᓖᑦ 18:12

ᐊᐱᓮᓗ ᔨᕈᐃᐊᐅᑉ ᐃᕐᓂᖓᑕ ᐄᑐᒥᒥᐅᑦ ᑐᖁᓚᐅᕐᐰᑦ 18,000 ᓇᕐᓴᒥ ᑕᕆᐅᕐᒥ.

ᑯᕉᓂᑲ ᓯᕗᓪᓖᑦ 18:3

ᐊᒻᒪ ᑍᕕᑎᐅᑉ ᓵᓚᒋᒋᕚ ᕼᐊᑕᑎᔨᕆ ᔫᐸᐅᑉ ᐊᖓᔪᖅᑳᕐᔪᐊᖓ, ᕼᐊᒫᑎᐅᑉ ᖃᓂᒋᔮᓃᑦᑐᖅ, ᐊᖓᔪᖅᑲᐅᕕᓂ ᐊᖏᒡᓕᒋᐊᕐᑎᓐᓇᓱᓚᐅᕐᒪᒍ ᑰᒃ ᐃᕗᕅᑎᐅᑉ ᑲᖏᐊᓃᑦᑐᖅ ᑎᑭᓪᓗᒍ.

ᑯᕉᓂᑲ ᓯᕗᓪᓖᑦ 18:5

ᓯᕆᐊᒥᐅᓪᓗ ᑕᒫᓯᑰᓯᒥᐅᑍᑦ ᐃᑲᔪᕆᐊᕐᑎᓪᓗᒋᑦ ᕼᐊᑕᑎᔨᕆᒥᒃ ᔫᐸᐅᑉ ᐊᖓᔪᖅᑳᕐᔪᐊᖓᓂᒃ, ᑍᕕᑎ ᑐᖁᑦᓯᓚᐅᕐᐳᖅ 22,000ᓂᒃ ᓯᕆᐊᒥᐅᑦ ᐅᓇᑕᕐᑐᒃᓴᖏᓐᓂᒃ.

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᔫᐱᐅᑉ ᐊᒡᓚᖏᑦ 5:18

ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.

ᔫᐱᐅᑉ ᐊᒡᓚᖏᑦ 9:6

ᓄᓇᒥᒃ ᓴᔪᒃᐱᓗᒃᑎᑦᓯᓲᖑᕗᖅ ᐊᐅᓚᑎᓪᓗᓂᐅᒃ, ᓄᓇᐅᓪᓗ ᓱᑲᖏᑦ ᐊᐅᓚᑎᓲᕆᓪᓗᓂᒋᑦ;

ᐃᓐᖏᕈᑎᑦ 104:32

ᓄᓇᕐᔪᐊᖅ ᑕᑯᓴᕐᒪᒍ, ᑕᕝᕙ ᓴᔪᒃᐱᓗᓕᕐᐳᖅ, ᖃᖅᑬᑦ ᐊᒃᑐᕐᒪᒋᑦ ᑕᕝᕙ ᐳᔫᓕᕐᐳᑦ.

ᐃᓐᖏᕈᑎᑦ 114:7

ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;

ᐃᓐᖏᕈᑎᑦ 18:7

ᓄᓇᓗ ᓴᔪᒃᐱᓗᒃᐳᖅ, ᖃᖅᑬᓪᓗ ᑐᓐᖓᕕᖏᑦ ᓴᔪᒡᓗᑎᒃ, ᐊᐅᓚᕗᑦ, ᓂᓐᖓᐅᒪᑎᓪᓗᒍ.

ᐃᓐᖏᕈᑎᑦ 89:40

ᐊᕙᓗᕐᔪᐊᓕᒫᖏᑦ ᓯᖁᒥᑉᐸᑎᑦ; ᐃᒡᓗᕐᔪᐊᖏᓪᓗ ᕿᒫᕕᖏᑦ ᓯᖁᑦᑎᕐᐸᑎᑦ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 7:8

ᓯᕆᐊᒥᐅᑦ ᑕᒫᓯᑰᓯᒥᒃ ᓂᐊᖁᖃᕐᒪᑕ, ᑕᒫᓯᑰᓯᒥᐅᓪᓗ ᓂᐊᖁᖃᕐᓗᑎᒃ ᕆᔨᓐᒥᒃ. ᐃᕗᕅᒥᐅᓪᓗ ᐃᓅᖃᑎᒌᖕᓂᖓᑦ ᐊᓯᕈᕐᑕᐅᔪᒫᕐᐳᖅ ᐊᕐᕌᒍᑦ 65 ᓈᓚᐅᕐᑎᓐᓇᒋᑦ, ᐃᓄᖃᕈᓐᓃᕈᒫᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 4:24

ᖃᖅᑬᓪᓗ ᑕᑯᓴᕋᒃᑭᑦ, ᓴᔪᒃᐱᓗᒃᑐᑦ ᑕᑯᕙᒃᑲ, ᐱᖑᐃᓪᓗ ᐊᐅᓚᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 48:38

ᒧᐊᐱᒥᐅᑦ ᐃᒡᓗᖏᑕ ᖄᖏᓐᓂ, ᐃᓄᐃᓪᓗ ᓇᔪᕐᐸᒃᑕᖏᓐᓂ ᕿᐊᔪᕐᑕᖃᕐᑐᐃᓐᓇᐅᓕᕐᐳᑦ, ᒧᐊᐱᒥᐅᑦ ᓯᖁᒥᑕᐅᑎᓚᐅᕋᒃᑭᑦ ᒪᕐᕋᑎᑐᑦ ᐊᓐᓂᕆᔭᐅᔪᓐᓃᕐᑐᑎᑐᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᐂᒨᓯᐅᑉ ᐊᒡᓚᖏᑦ 8:8

ᓄᓇ ᑕᒪᑐᒧᖓ ᓴᔪᒃᐱᓪᓚᖕᓂᐊᓐᖏᓛᖅ? ᓄᓇᖃᕐᑐᓪᓗ ᑕᒫᓂ ᐅᒡᒍᐊᕐᓂᐊᓐᖏᓛᑦ? ᑰᒃᑎᑐᑦ ᓁᓕᑐᑦ ᖄᒥᑦᓱᒫᕐᐳᖅ, ᖃᑉᐳᑑᕐᓂᖓᓄᓪᓗ ᐃᖅᑲᑦᑕᕐᑕᐅᓚᐅᕐᓗᑎᒃ, ᑰᑭᒡᓕᖕᒥᓗᓂᓗ ᓁᓕᑐᑦ ᐄᑦᔨᑉᑎᐅᑉ ᑰᖓᑐᑦ.”

ᕼᐊᐸᑲᐅᑉ ᐊᒡᓚᖏᑦ 3:10

ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.

ᒫᑎᐅᓯᐅᑉ ᐊᒡᓚᖏᑦ 27:51

ᑕᑯᒋᑦ, ᑖᓗᑕᕐᔪᐊᖅ ᑐᒃᓯᐊᕐᕕᒡᔪᐊᕐᒦᑦᑐᖅ ᖁᐱᕗᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᓂ; ᓄᓇᕐᔪᐊᕐᓗ ᓴᔪᒃᐱᓗᒃᐳᖅ, ᐅᔭᕅᓪᓗ ᓯᖁᑦᑎᕐᖢᑎᒃ.