12 ᒎᑎ ᐃᓚᒋᓗᒍ ᓵᓚᖃᕐᓂᐊᕐᐳᒍᑦ; ᐊᑭᕋᑦᑕᓗ ᖄᖏᑎᒍᑦ ᐱᓱᖕᓂᐊᕐᐳᖅ.
ᐃᕝᕕᑦ ᐃᑲᔪᕐᑎᒋᓗᑎᑦ ᐊᑭᕋᕗᑦ ᓵᓚᒋᓂᐊᕐᐸᕗᑦ; ᐊᑏᑦ ᐊᑐᕐᓗᒍ ᑐᓪᓕᕋᕐᓂᐊᕐᐸᕗᑦ ᐅᕙᑦᑎᓐᓂᒃ ᐊᑭᕋᕐᑐᕋᓱᐊᕐᑐᑦ.
ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”
“ᐃᓄᑑᓪᓗᖓ ᐸᐅᕐᖓᓂᒃ ᖃᒐᕐᑎᕆᕕᖕᒥ ᑐᓪᓕᓚᐅᕋᒪ, ᐃᓄᒐᓴᒡᔪᐊᑦ ᐃᑲᔪᕐᑐᒃᓴᖃᖏᒻᒪᑕ, ᓂᓐᖓᐅᒪᓪᓗᖓ ᑐᓪᓕᕋᒪ ᐸᐅᕐᖓᓂᒃ ᓂᓐᖓᐅᒪᓂᓐᓄᑦ ᐊᑦᑕᕆᓇᒋᑦ ᑐᑎᖃᑦᑕᓕᓚᐅᕋᒃᑭᑦ, ᐃᑦᑎᖏᓐᓄᑦ ᐊᓐᓄᕌᕋ ᓯᕐᐹᕿᕕᐅᖃᑦᑕᓕᓚᐅᕐᒪᑦ, ᐊᓐᓄᕌᓕᒫᕋ ᓯᕐᐸᕐᑕᐅᓪᓗᓂ ᐃᑦᓴᒃᑕᐅᕗᖅ.
ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.
ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
ᓯᕘᕋᖏᓪᓗᑎᑦ, ᓲᖑᓕᕐᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᑦᑕᓗ ᐃᒡᓗᒐᓴᖏᑦ ᐱᓪᓗᒋᑦ; ᐊᑕᓂᕐᓗ ᐱᓂᐊᓕᕐᓕ ᑕᑯᓐᓇᕐᑕᒥᒍᑦ ᓈᒻᒪᒋᔭᒥᓂᒃ.”
ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.
ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.
ᐊᑕᓂᖅ ᓂᕐᑐᕐᑕᐅᓕ ᕾᕐᑐᕆᔭᕋ, ᐊᒡᒐᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᓇᑕᕐᓂᕐᒧᑦ, ᐊᑐᐃᓐᓇᕈᕐᑎᓯᒪᓪᓗᓂᖓᓗ ᐅᓇᑕᕆᐊᕐᓂᕐᒧᑦ.
ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᐊᖏᔪᕈᕐᑎᑕᐅᓕ, ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᓵᓚᖃᑦᓮᓐᓇᕐᐳᖅ!”
ᓲᖑᓂᖃᑦᓯᐊᕆᑦ ᓯᕘᕋᖏᓪᓗᑎᑦ, ᐅᓇᑕᓚᐅᕐᑕ ᐊᒃᓱᕈᕐᓗᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᐅᓪᓗ ᐃᒡᓗᒐᓴᖁᑎᖏᑦ; ᐊᑕᓂᕐᓗ ᐱᔪᒪᔭᓂ ᒪᓕᒡᓗᒍ ᐱᓂᐊᓚᐅᕐᓕ.”
ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”
ᐅᓇᑕᕐᓂᕐᒥ ᕿᒫᑎᑕᐅᑎᑉᐸᑦᑎᒍᑦ ᐊᑭᕋᑦᑎᓐᓂᑦ, ᐆᒥᒋᔨᕗᓪᓗ ᐱᖁᑎᑦᑎᓐᓂᒃ ᐱᑖᕐᑐᕐᐳᑦ.
