2 ᓴᐳᑎᓚᐅᓐᖓ ᐱᐅᖏᑦᑐᒥᒃ ᐱᓇᓱᐊᕐᑎᓂᑦ, ᐱᐅᓕᓗᖓᓗ ᐃᓄᐊᕈᒪᔪᓂᑦ.
ᒎᑏ, ᑕᕝᕙᑐᖅ ᐱᐅᖏᑦᑐᑦ ᑐᖁᓚᐅᒃᑭᑦ! ᐅᕙᓐᓂᒃ ᕿᒤᓚᐅᕆᑦᓯ ᐃᓅᑉ ᐊᐅᖓᓂᒃ ᐃᒥᕈᒃᑎᐅᔪᓯ!
ᑕᕐᓂᕋ ᐊᖑᐊᖃᓯᐅᑎᓂᐊᕐᓇᒍ ᐱᐅᖏᑦᑐᓕᔪᓄᑦ, ᐃᓅᓯᕋᓘᓐᓃᑦ ᐊᐅᖕᒥᒃ ᑯᕕᓯᔪᒪᔪᑦ ᐃᓚᒋᓗᒋᑦ.
ᐱᐅᖏᑦᑐᓕᔪᑦ ᕾᓕᕐᐸᑕ ᐅᕙᓐᓂᒃ ᐊᑭᕋᕐᑐᕈᒪᓗᑎᒃ ᐅᕕᓂᒐ ᓂᕆᔪᒪᓗᒍ, ᐊᑭᕋᕐᑐᕐᑎᒃᑲ ᐅᓇᖕᒥᔨᒃᑲᓗ ᐅᐸᒃᑐᕐᐸᑕ, ᑕᕝᕙ ᐹᓪᓚᒃᐳᑦ ᐅᕐᕈᓪᓗᑎᒡᓗ.
ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.
ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.
ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?
