ᐃᓐᖏᕈᑎᑦ 58:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑏ, ᑭᒍᑎᖏᑦ ᖃᓂᖏᓐᓃᑦᑐᑦ ᓯᖁᒥᒃᑭᑦ; ᐊᑕᓃᖅ, ᓛᔭᑦ ᐃᓐᓇᐅᖏᑦᑐᑦ ᑐᓗᕆᐊᖏᑦ ᓄᓱᒃᑭᑦ!

ᐃᓐᖏᕈᑎᑦ 58:6 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 29:17

ᐃᓱᐃᑦᑐᓕᔪᑦ ᐱᔪᓐᓇᕐᓂᖏᑦ ᓵᓚᒋᕙᓚᐅᕐᐸᒃᑲ, ᓱᒃᑯᔨᐊᕆᔭᖏᓪᓗ ᓴᒃᑯᑕᐅᑎᓪᓗᒋᑦ ᓴᐳᑎᕙᒃᓗᒋᑦ.

ᔫᐱᐅᑉ ᐊᒡᓚᖏᑦ 41:14

ᑭᓇᒧᑦ ᐊᒡᓕᕈᖏᒃ ᐂᑦᑕᕐᑎᑕᐅᔪᓐᓇᕐᐹᒃ, ᑭᒍᑎᓂᒃ ᐊᕙᓗᓯᒪᑎᓪᓗᒋᒃ ᐅᓗᕆᐊᓇᕐᑐᓂᒃ?

ᐃᓐᖏᕈᑎᑦ 10:15

ᐱᐅᖏᑦᑐᓕᔫᑉ ᑕᓕᖓ ᐊᔪᕐᑐᓕᔫᓪᓗ ᑕᓕᖓ ᓇᐱᓚᐅᒃᑭᒃ; ᐱᐅᖏᑦᑐᓕᓂᖏᓪᓗ ᓴᖅᑭᑎᓚᐅᒃᑭᑦ ᐃᔨᕐᓯᒪᔪᖃᕈᓐᓃᕐᓗᑎᒃ.

ᐃᓐᖏᕈᑎᑦ 17:12

ᓛᔭᑎᑐᑦ ᓂᕆᔭᒥᖕᓂᒃ ᐊᓕᒃᑐᐃᔪᒪᔪᑎᑐᑦ, ᓛᔭᑎᑐᑦ ᐃᓐᓇᐅᖏᑦᑐᑎᑐᑦ ᐃᔨᕐᓯᒪᓪᓗᓂ ᐅᑕᖅᑭᔪᑎᑐᑦ.

ᐃᓐᖏᕈᑎᑦ 3:7

ᒪᑭᓕᕆᑦ ᐊᑕᓃᖅ; ᒎᑎᒐ ᓴᐳᑎᓗᖓ! ᐊᑭᕋᕐᑐᕐᑎᒃᑲ ᐊᒡᓕᕈᖏᑎᒍᑦ ᐊᓇᐅᓯᒪᒐᕕᒋᑦ, ᒎᑎᖃᖏᑦᑐᑦ ᑭᒍᑎᖏᑦ ᓯᖁᒥᓯᒪᕙᑎᑦ.

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:11

ᖁᒡᓗᒋᐊᖅ ᑮᓯᒃᐸᑦ ᐃᓚᓐᓂᕐᓴᕐᑕᐅᖄᕋᓂ, ᑕᕝᕙ ᖁᒡᓗᒋᐊᓕᕆᔨ ᐱᕚᓪᓕᕈᑎᒃᓴᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 8:17

“ᑕᑯᒋᑦ, ᑎᑭᑕᐅᑎᑦᓱᒫᕐᐸᑦᓯ ᖁᒡᓗᒋᐊᕐᔪᐊᓂᒃ ᑐᖁᓐᓇᕐᑐᖃᕐᑐᓂᒃ ᓯᓔᕐᕆᔭᒃᓴᐅᖏᑦᑐᓂᒃ, ᑖᒃᑯᐊᓗ ᑮᔪᒫᕐᐹᓯ,” ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᒨᓯᓯ ᓯᑕᒪᖏᑦ 23:24

ᑕᑯᒋᑦ, ᐃᓄᐃᑦ ᒪᑭᑉᐳᑦ ᓲᕐᓗ ᐊᕐᓇᓪᓗᕐᑎᑐᑦ ᓛᔭᑐᑦ, ᒪᑭᓪᓗᓂᓗ ᓛᔭᐅᑉ ᒪᑭᑦᔪᓯᖓᑐᑦ; ᓇᓪᓚᕐᓂᐊᕋᓂᓗ ᓂᑭᒃᓴᕐᓯᐅᕐᑕᒥᓂᒃ ᓂᕆᓚᐅᖅᑳᕋᓂ, ᑐᖁᑕᒥᓗ ᐊᐅᖓᓂᒃ ᐃᒥᓚᐅᖅᑳᕋᓂ.”