ᐃᓐᖏᕈᑎᑦ 58:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᐅᖏᑦᑐᓕᔪᑦ ᐃᒡᓕᐊᕐᒥᑦ ᐊᓂᓚᐅᕋᑎᒃ ᑕᒻᒪᓕᕇᕐᐸᒃᐳᑦ, ᐃᕐᓂᐊᖑᓂᕐᒥᖕᓂᑦ ᓱᓕᖏᑦᑐᓂᒃ ᐅᖃᓪᓚᓕᕐᐸᒃᐳᑦ.

ᐃᓐᖏᕈᑎᑦ 58:3 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 15:14

ᐃᓄᒃ ᓇᓪᓕᐊᑦ ᐊᔪᕐᓂᖃᖏᑦᓯᐊᕈᓐᓇᕐᐸ? ᐅᕝᕙᓗ ᐊᕐᓇᒥᑦ ᐃᕐᓂᐊᖑᓯᒪᔪᖅ ᖃᓄᖅ ᐃᓱᐊᕐᑑᔪᓐᓇᕐᐸ?

ᐃᓐᖏᕈᑎᑦ 22:10

ᐃᓕᖕᓄᑦ ᑐᓂᔭᐅᓚᐅᕐᐳᖓ ᐃᕐᓂᐊᖑᒐᒪ. ᐊᓈᓇᒪ ᐃᒡᓕᐊᖓᓂᑦ ᑍᒪᓐᖓᑦ ᒎᑎᒋᕙᒋᑦ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐃᓐᖏᕈᑎᑦ 55:10

ᐅᓪᓗᖅ ᐅᓐᓄᐊᕐᓗ ᓈᓪᓗᒍ ᐊᕙᓗᕐᔪᐊᖏᓐᓂ ᐅᑎᕐᑕᕐᐳᑦ; ᐱᐅᖏᑦᑐᓕᓂᐅᑉ ᓵᓚᖃᕈᒪᓂᐅᓪᓗ ᐃᓚᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:15

ᓯᓔᓐᓂᖅ ᓄᑕᖅᑲᑦ ᐆᒻᒪᑎᖏᓐᓃᑉᐳᖅ, ᐊᓇᐅᑕᐅᓪᓕ ᐋᖅᑭᒋᐊᕐᓯᓂᐅᑉ ᓯᓔᓐᓂᖅ ᐊᓂᑎᓐᓂᐊᕐᐹ ᑖᑦᓱᒪᓐᖓᑦ.

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.