2 ᐊᑭᕋᒪ ᕿᓂᕐᐹᖓ ᐅᓪᓗᖅ ᓈᓪᓗᒍ, ᐅᓄᕐᑐᑦ ᐅᕙᓐᓄᑦ ᐅᓇᑕᕈᒪᖕᒪᑕ.
ᐊᑕᓃᖅ, ᐸᒡᕕᓴᒃᑎᒃᑲ ᐅᓄᕐᑐᐊᓘᓕᕐᐳᑦ ᐊᕙᑎᓐᓂ! ᐅᓄᕐᑐᑦ ᒪᑭᓐᓇᓱᐊᕐᐳᑦ ᐅᕙᓐᓂᒃ ᐊᑭᕋᕐᑐᕈᒪᓪᓗᑎᒃ.
ᐊᑕᓃᖅ, ᐊᑭᕋᕐᑐᕐᑎᒃᑲ ᐊᑭᕋᕐᑐᒃᑭᑦ; ᐅᕙᓐᓂᒃ ᐅᓇᑕᕐᑐᑦ ᐅᓇᑕᖃᑎᒋᒃᑭᑦ.
ᐊᑭᕋᕐᑐᕐᑎᒪ ᐱᐅᖏᑦᑐᓂᒃ ᐅᖃᐅᓯᕆᖕᒪᖓ: “ᖃᖓᓕᐅᓇ ᑐᖁᓛᕐᐸ, ᐊᑎᖓᓗ ᐳᐃᒍᕐᑕᐅᓗᓂ?”
ᐊᑭᕋᕐᑐᕐᑎᒃᑲ ᐊᑭᔪᒫᕐᐰᑦ ᐱᐅᖏᑦᑐᒧᑦ; ᓄᖑᑦᓱᒫᕐᐰᑦ ᓱᖁᓯᔪᐃᑦᑑᓂᕐᒥᓄᑦ.
ᑎᓕᓯᓂᐊᕐᐳᖅ ᕿᓚᖕᒥᑦ ᐱᐅᓕᓗᖓᓗ, ᓵᓚᒋᓂᐊᕐᐰᓪᓗ ᐅᕙᓐᓂᒃ ᑐᖁᑦᓯᓇᓱᐊᕐᑐᑦ. ᓰᓚ ᒎᑎᐅᑉ ᓇᒡᓕᖕᓂᓂ ᓱᖁᓯᔪᐃᑑᓂᓂᓗ ᑎᓕᓂᐊᕐᐹᒃ.
ᖁᕕᐊᓱᖕᓂᐊᕐᐳᖓ ᐃᖀᕐᑐᕐᓗᖓᓗ ᐱᑦᔪᑎᒋᓗᑎᑦ; ᐃᓐᖏᕈᒪᕗᖓᓗ ᐊᑏᑦ ᐱᑦᔪᑎᒋᓗᒍ, ᖁᑦᓯᖕᓂᕐᐹᖑᔪᑎᑦ.
ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ,
ᐊᑕᓂᖅ ᖁᔭᒋᓗᒍ ᑕᒪᓐᓇ ᐱᐅᔫᕗᖅ, ᐊᑏᓪᓗ ᓂᕐᑐᕐᓗᒍ ᐃᓐᖏᕐᕕᒋᓗᑎᑦ ᖁᑦᓯᖕᓂᕐᐹᖑᔪᑎᑦ.
ᐃᕝᕕᓪᓕ ᐊᑕᓃᖅ ᖁᑦᓯᖕᓂᕐᐹᖑᕗᑎᑦ ᐃᓱᖃᖏᑦᑐᒧᑦ.
ᐊᑕᓂᖅ ᖁᑦᓯᒃᑐᒦᑦᑐᖅ ᐊᔪᖏᓐᓂᕐᓴᕐᔪᐊᖑᕗᖅ ᐃᒪᕕᖕᓂᑦ, ᐊᔪᒐᖃᖏᓐᓂᕐᓴᐅᕗᖅ ᐃᒪᕕᐅᑉ ᐃᖏᐅᓕᕐᔪᐊᖏᑕ ᓂᐱᖏᓐᓂᑦ, ᐃᖏᐅᓕᒡᔪᐊᓪᓗ ᐃᒃᑑᓕᔮᕐᓂᖏᓐᓂᑦ ᐊᔪᖏᓐᓂᕐᓴᐅᕗᖅ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
“ᐊᖓᔪᖅᑳᕐᔪᐊᖅ, ᒎᑎᐅᑉ ᖁᑦᓯᖕᓂᕐᐹᑉ ᐊᑖᑍᑦ ᓂᐱᑯᓁᓴ ᑐᓂᓯᕕᒋᓚᐅᕐᐹ ᐊᖓᔪᖅᑲᐅᓂᕐᒥᒃ, ᐊᖏᔪᕐᔫᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᐱᐅᒋᔭᐅᒻᒪᕆᖕᓂᕐᒥᒡᓗ.
ᓱᓇᒦᒃ ᐊᑕᓂᕐᒧᐊᕈᑦᔨᔪᒃᓴᐅᕗᖓ? ᐹᒻᒪᒃᑎᕐᓗᖓᓗ ᒎᑎᐅᑉ ᖁᑦᓯᖕᓂᕐᐸᐅᔫᑉ ᓵᖓᓂ, ᓵᖓᓄᐊᕐᑐᒃᓴᐅᕗᖔ ᑐᓂᕐᕈᓯᕐᓗᖓ ᐃᑯᐊᓚᔪᒃᓴᓂᒃ? ᓄᕐᕋᕐᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ.
ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.
